Khutbah

Khutbah Jumat : Kautamaan Puasa Sunat Dina Bulan Syawal

Khutbah Jumat Bulan Syawal dalam Bahasa Sunda tentang Kautamaan Puasa Sunat Dina Bulan Sawal (Keutamaan Puasa Sunat Di Bulan Syawal), Puasa syawal merupakan ibadah puasa sunnah yang dikerjakan pada bulan Syawal. Ibadah puasa sunnah ini dilaksanakan selama enam hari pada bulan Syawal.

Umumnya puasa syawal dikerjakan selama enam hari berturut-turut setelah hari raya Idul Fitri, yaitu tanggal 2 hingga 7 Syawal. Namun, ada juga yang berpendapat, bahwa puasa sunat di bulan Syawal boleh dikerjakan selama bulan syawal dan tidak harus berurutan tanggal pelaksanaannya.

Berikut ini Khutbah Jumat Bulan Syawal dalam Bahasa Sunda tentang Kautamaan Puasa Sunat Dina Bulan Syawal, selengkapnya;

Khutbah Jumat : Kautamaan Puasa Sunat Dina Bulan Syawal

اَلْحَمْدُالله الَّذِيْ جَعَلَ الْيَوْمَ عِيْدًا لِعِبَادِهِ الْمُؤْمِنِيْنَ وَخَتَمَ بِهِ شَهْرَ الصِّيَامِ لِلْمُخْلِصِيْنَ, وَجَعَلَ فِى طَاعَتِه عِزَّالدُّنْيَا وَاْلاخِرَةِ لِلطَّائِعِيْنَ وَفِى مَعْصِيَتِهِ دُلَّ الدَّارَيْنِ لِلْعَاصِيْنَ. اَشْهَدُ اَنْ لاَاِلَهَ اِلاَّاللهُ وَحْدَهُ لاَشَرِيْكَ لَهُ شَهَادَةً بِهَاتَطْهُرُ الْقُلُوْبُ مِنَ الْغِشِّ اللَّعِيْنَ. وَاَشْهَدُ اَنَّ مُحَمَّدًا عَبْدُهُ وَرَسُوْلُهُ اَطْوَعُ الْخَلْقِ لِرَبِّ الْعَالَمِيْنَ. اَللّهُمَّ صَلِّ وَسَلِّم وَبَارِكْ عَلَى سَيْدِنَا مُحَمَّدٍ وَعَلَى الِهِ وَأَصْحَابِهِ الْمُجَاهِدِيْنَ .(اَمَّابَعْدُ): فَيَااَيُّهَا النَاسُ اِتَّقُوْ اللهَ حَقَّ تُقَاتِهِ وَلاَ تَمُوْتُنَّ اِلاَّ وَاَنْتُمْ مُسْلِمُوْنَ . اَعُوْذُ بِااللهِ مِنَ الشَيْطَانِ الرَّجِيْمِ. بِسْمِ اللهِ الرَّحْمَنِ الرَّحِيْم.  قَدۡ أَفۡلَحَ مَن زَكَّىٰهَا.  

Hadirin jamaah jum’ah rohimakumullah !

Sadaya puji urang sanggakeun ka Allah dzat anu maha suci, anu parantos ngawajibkeun ka urang sadaya shaum sasasih dina sasih ramadhon. sholawat miwah salam mugi didugikeun ka gusti Nabi  anu pinilih nyaeta kangjeng Nabi Muhammad s.a.w, ka kulawargina, para sahabatna sareng sakumna ummat muslimin-muslimat.

Dina danget ieu, di bulan syawal urang sadayana dipasihan nikmat ku Allah swt. Nikmat  kasucian jiwa ladang riyadhoh, mujahahadah jeung tazkiyatunnufus (latihan, berjuang jeung ngabersihkeun hate) dina sasih ramadhon. Sangkan jiwa jeung raga urang ningkat kana darajat takwa ka Allah subhanahu wata’ala.

Asa sakolebat pisan urang ngadegkeun sholat iedul fithri, gumuruhna sora takbir,tahlil sareng tahmid anu diucapkeun  rebuan malih jutaan ummat Islam sa-alam dunya di marcapada, satungkebing langit satangkaraking jagat, ti rupa-rupa bangsa jeung tingkatan. Pujian jeung syukur  kana sagala nikmat Allah rehna parantos ngalaksanakeun ibadah anu mulya nyaeta puasa, nahan lapar jeung dahaga, nahan nafsu amaroh (jiwa anu hina), tur ngajauhan ma’siat jeung kajahatan pikeun ngahontal kabagjaan dunya jeung akherat nyaeta ku kasucian jiwa.

Pidawuh Alloh SWT:

 قَدۡ أَفۡلَحَ مَن زَكَّىٰهَا ٩ وَقَدۡ خَابَ مَن دَسَّىٰهَا

Hartosna: “Saestuna bagja jalma anu nyucikeun jiwana, Jeung cilaka pisan jalma anu ngotoran jiwana. (as-syams: 9-10)

Hadirin Rohimakumulloh !

Sapantesna dina poean lebaran dibulan syawal diantara urang aya rasa kagumbiraan jeung kabagjaan anu dirasakeun sahingga nimbulkeun dorongan kahayang sangkan indit ka kadang wargi leumpang ka sobat-sobat. Kalayan bari ngucapkeun ”Taqabbalallahu Minna Waminkum Shiyamana Washiamakum”. Mugi-mugi Allah nampi shaum urang sadayana sareng shaum aranjeuna.

Saterasna Rosul masihan conto amaliah, anu ieu padamelan teh kacida ageung pisan ganjaranna, nalika sabadana rengse shaum sasih romadhon di sunatkeun shaum genep dinten di bulan syawal. Rasulullah SAW ngadawuh :

مَنْ صَامَ رَمَضَانَ وَأَتْبَعَهُ سِتَّا مِنْ شَوَّلٍ, كَانَ كَصَوْمِ الدَّهْرِ

Hartosna: ”Sing saha jalma anu puasa di bulan romadhan sareng neraskeun genep dinten tina bulan       syawal, kaya-kaya saperti anu puasa sataun lamina”. (HR. Muslim)

Dumasar kana katerangan ieu hadits, sabab dina satahun teh aya 360 dinten jeung puasa ramadhan 30 dinten kali 10 jadi 300 dinten ditambih genep dinten puasa di sasih syawal kali 10 sami sareng genep puluh dinten, jadi jumlah sadayana sami sareng satahun lamina.

Sabagian  ulama aya anu  ngamakruhkeun puasa dibulan syawal anu tujuanna pikeun nyegah kajadianna, tasyabbuh (nyarupaan) sareng ahli kitab anu sok nambah-nambah fardlu, atanapi ku ayana poean lebaran iedul fithri, tiasa misahkeun / ngabedakeun puasa ramadhan tina puasa sasih syawal, mangka leungit bentuk tasyabbuh anu dipikasieun teh, kumargi anu kahiji puasa ramadhan ngarupakeun puasa wajib sedengkeun puasa syawal ngarupakeun puasa sunnah.

Numutkeun Abdul Wahab, rahasiahna disunatkeun puasa genep dinteun dibulan syawal, kusabab aya kamungkinan hawa nafsu jalma-jalma baralik deui kana perkara-perkara anu dilarang dicarek ku Alloh SWT., anu akibatna eta jalma bakal lalei sareng teu sadar kana prilaku anu teu luyu sareng ajaran agama / pendidikan anu tos dibina dina sasih ramadhan.  Maka puasa genep dinteun ieu ngarupakeun prisai atanapi tameng tina kakurangan ngalakonan puasa dina bulan romadhon.

 Hadirin jamaah jum’ah Rohimakumullah !

Ngalangkungan  khutbah ieu hayu urang sami-sami ningkatkeun ka taqwaan ka Allah SWT, nyalindung ka mantenna supados tiasa nguatkeun kaimanan  urang kanggo nglaksanakeun ibadah ka mantenna sangkan kenging kabagjaan dunya rawuh akherat. Mudah-mudahan urang digolongkeun  jalmi-jalmi anu kenging ridho mantena. Amin ya robbal ’Alamin.

بَارَكَ اللهُ لِىْ وَلَكُمْ فِى الْقُرْانِ الْعَظِيْمِ, وَنَفَعَنِيْ مِنَ اْلايَاتِ وَالذِّكْرِ الْحَكِيْمِ اِنَّهُ هُوَالسَّمِيْعُ الْعَلِيْمُ

=KHUTBAH KADUA=

 اَلْحَمْـدُ للهِ رَبِّ الْعَـالَمِيْـنَ، وَبِـهِ نَسْتَعِيْـنَ عَلى اُمُـوْرِ الدُّنْـيَا وَالدِّيـنِ، وَالصَّـلاَة وَالسَّـلاَمُ عَلى اَشْرَفِ الاَنْـبِيَاءِ وَالْمُرْسَلِيْـنَ، وَعَلى الِهِ وَصَحْـبِهِ اَجْمَعِيْـنَ، اَشْهَـدُ اَنْ لاَاِلهَ اِلاَّاللهُ الْمَلِكُ الْحَقُّ الْمُبِيْـنَ، وَاَشْهَـدُ اَنَّ مُحَمَّـدًا عَبْـدُه وَرَسُـوْلُهُ صَادِقُ الْوَعْـدِ الاَمِيْـنِ، اَللّـهُمَّ صَلِّ وَسَلِّمْ عَلى سَيِّـدِنَا مُحَمَّـدٍ وَعَلى الِهِ وَاَصْـحَابِـهِ اَجْمَعِيْـنَ.

اَمَّابَعْـدُ: فَـيَااَيُّـهَا النَّـاسُ اتَّقُـوْا اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. اَللّـهُمَّ اغْـفِرْ لِلْمُسْلِمِيْـنَ وَالْمُسْـلِمَاتِ وَالْمُؤْمِنِيْـنَ وَالْمُؤْمِنَـاتِ اَلاَحْياءِ مِنْـهُمْ وَالاَمْـوَاتِ، اَللّـهُمَّ اجْـعَلْ اِجْـتِمَاعَنَا اِجْـتِمَاعًا مَرْحُـوْمًا وَتَفَرَّقَـنَا مِنْ بَعْـدِهِ تَفَرُّقًا مَعْصُـوْمًا،. رَبَّنَا اَنْزِلْنَا مُنْزَلًا مُّبَاَرَكً وَّاَنْتَ خَيْرُ الْمُنْزِلِيْن, رَبَّنَا اَفْرِغْ عَلَيْنَا صَبْرًا ثَبِّتْ اَقْدَاَمَنَا وَاْنصُرْنَا عَلَى اْلقَوْمِ اْلكَافِرِيْن. رَبَّـنَا اتِـنَا فِى الدُّنْـيَا حَسَنَـةً وَفِى الْاخِرَةِ حَسَنَـةً وَقِنَاعَـذَابَ الـنَّارِ. وَالْحَمْـدُ للهِ رَبِّ الْعَـالَمِيْـنَ

Disusun ku: Jamal Shidiq, S.Pd.I
Editor Bahasa : Imam Hamidi Antassalam

Download Khutbah Jumat Bulan Syawal dalam Bahasa Sunda tentang Kautamaan Puasa Sunat Dina Bulan Syawal file .pdf >> DI SINI.

Artikel Terkait

Tinggalkan Balasan

Alamat email Anda tidak akan dipublikasikan.

4 − four =

Back to top button