Khutbah Bahasa Sunda; Hak Muslim Jeung Sasama Muslim

NU Cilacap Online – Pembahasan tentang hak muslim dengan sesama muslim menjadi satu bukti betapa Islam adalah agama yang begitu indah. Pun betapa fleksibel dalam mengatur kehidupan, baik dalam bernegara maupun bermasyarakat.

Betapa sistem bangun tata kehidupan dalam Islam itu sungguh mengikat ketakwaan, mempererat persatuan, , dan menguatkan keimanan kita.

Demikian sajian Khutbah Jumat Bahasa Sunda kali ini berjudul “Hak Muslim Jeung Sasama Muslim”. Menguraikan tentang enam hak sesama muslim yakni mengucapkan salam; menghadiri undangan; memberi nasihat; mendoakan yang bersin; menjenguk yang sakit dan mengantar jenazah.

Menjawab salam hukumnya fardhu ain. Demikian pula mengunjungi orang sakit, karena itu akan memberikan kebahagiaan kepadanya dan meringankan sakitnya. Demikian pun mengurusi jenazah, dan men-shalatkannya serta menguburkannya.

Wajibnya memenuhi undangan selama undangan tersebut bukan untuk perbuatan dosa dan maksiat. Demikian pula menjawab orang yang bersin hukumnya fardu ain. Serta ikhlas dalam memberikan nasehat kepada orang yang meminta nasehat hukumnya pun wajib.

Hak Muslim Jeung Sasama Muslim 

KHUTBAH PERTAMA

اَلْحَمْدُ لِلَّهِ الَّذِيْ اَمَرَنَا اَنْ يًّوْصَلَ اْلاَرْحَامِ، اَشْهَدُ اَنْ لاَّاِلَهَ اِلاَّ اللهُ ذُو اْلجَلاَلِ وَاْلاِكْرَامِ . وَاَشْهَدُ اَنَّ مُحَمَّدًا عَبْدُهُ وَرَسُوْلُهُ صَاحِبُ اْلاَزْكِيَاءِ وَاْلكِرَامِ، اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ وَعَلَى اَلِهِ وَاَصْحَابِهِ اُوْلِى اْلفَضْلِ وِاْلاِنْعَامِ . اَمَّابَعْدُ: فَيَااَيًّهَاالنَّاسُ اِتَّقُوا االلهَ َفِى الثرِّ وَالعَلَانِ، اَعُوْذُ بَاللهِ مِنَ الثَّيْطَانِ الرَّجِيْم : اِنَّمَـااْلمُؤْمِنُـوْنَ اِخْـوَةٌفَـأَصْلِحُوْبَيْـنَ اَخَـوَيْكُمْجوَاتَّقُـوااللهَ َلَعَلَّكُـمْ تُرْحَـمُوْنَ .

Hadirin Sidang Jum’ah Rahimakumullah !

Sumangga urang sami-sami ningkatkeun kaimanan sarta kataqwaan ka Allah SWT. Margi mung ku iman jeung taqwa urang sadaya baris ngahontal kana kabagjaan hirup di dunya oge akherat. Salah sahijina cara pikeun ngaronjatkeun iman jeung taqwa ka Allah SWT. Nyaeta ku ngalakonan hak atanapi kawajiban salaku muslim jeung sasama muslim, hal ieu luyu sareng dawuhan kangjeng Rasul SAW :

حَقُّ الْمُسْلِمُ عَلَى الْمُسْلِمِ سِتٌّ اِذَالَقَيْتَةُ فَسَلِّمْ عَلَيْهِ وَاِذَادَعَاكَ فَاَجِبْـهُ وَاِذَاسْتَنْصَمَكَ فَاَنْصَحْهُ وَاِذَاعَطَسُ فَحَمِدَاللهَ فَثَمِتْهُ وَاِذَامَرِضَ فَعُدْهُ فَاِذَامَاتَ فَاَتْبِعُهُ ( رَوَاهُ مُسْلِمْ )

Hartosna: “Hak muslim ka sasama muslim aya genep nyaeta; di mana patepangan ngucapkeun salam, kadua di mana-mana diondang kudu nyumponan kana pangondangna, katilu di mana disuhunkeun nasehat kudu nganasehatan, kaopat di mana-mana beresin ngucapkeun hamdalah, kalima di mana-mana gering kudu ngalayad, kagenep di mana-mana maot kudu nguruskeun mayit dugi ka dikuburna.” (HR. Muslim)

Baca Juga

• Khutbah Jumat Bahasa Sunda, Hijrah Jeung Muhasabah Sangkan Berkah
• Khutbah Gerhana Bulan Bahasa Sunda | NU Cilacap Online

Hadirin Ahli Jum’ah Rahimakumullah !

Salianti dawuhan Rasulullah SAW anu nembe kasebat, Allah SWT parantos ngajelaskeun dina Al-Qur’an surat Al-Hujurot aat 10:

اِنَّمَـاالْمُؤْمِنُـوْنَ اِخْـوَةٌ فَـأَصْلِحُوْبَيْـنَ اَخَـوَيْكُمْج وَاتَّقُـواالله َلَعَلَّكُـمْ تُرْحَـمُوْنَ

Hartosna: “Saestuna satiap jalma mu’min teh dulur, mangka aranjeun kudu silih islahkeun di antara dulur aranjeun, jeung aranjeun kudu taqwa ka Gusti Alloh sangkan aranjeun meunang rohmat Alloh.” ( QS. Al-Hujurot : 10 )

Dumasar kana dawuhan Allah SWT sarta hadits Rasulullah SAW nembe, maka urang sadaya salaku umat Islam jeung salaku mu’min teu bisa mungkir kana kawajiban atanapi hak anu kudu dilakonan satiap jalma anu sa-Iman jeung sa-Agama dina hartos Mu’min atanapi Muslim.

Hadirin Ahli Jum’ah Rahimakullah !

Upami ku urang diemutan ternyata ajaran Islam teh kacida merhatikeun kahirupan umatna kanggo nanjeurkeun karukunan, katentraman, sarta kamaslahatan hirup anu ngawengku kana kahirupan keluarga, tatangga, masyarakat, negara bahkan sa-alam dunya anu ngarana muslim mah tetep dulur.

Insya Alloh, upami urang sadaya parantos tiasa ngalaksanakeun pidawuh Rosulluloh SAW anu genep perkara tadi kasebat, tinangtu urang sadaya baris kalebetkeun umat Islam anu sajati, anu baris kenging kabarokahan hirup di dunya oge kabagjaan diakherat jaga.

Baca juga Khutbah Jumat Bahasa Jawa Masjid Ramah Anak 

Langkung jelasna hikmah atanapi kamangfaatan tinu genep rupi upami ku urang diwincik deui diantawisna nyaeta:

Kahiji, upami urang patepang jeung papada muslim maka kedah ngucapkeun salam, pan eta teh ngandung harti silih du’akeun dina kasalametan hirup, sarta kenging pahala sunat pikeun nu ngucapkeunnana, jeung baris meunang pahala wajib kanggo jalmi nu ngawalerna.

Kadua, upami urang kenging pangundang teras nyumponan kana pangundangna, hikmahna teh pan baris nimbulkeun rasa duduluran anu kacida raketna sarta manjangkeun tali silaturrahmi anu ahirna baris kenging kabarokahan rizqi.

Katilu, upami urang disuhunkeun nasehat teras nganesahatan, memang eta kedahna luyu sareng dawuhan Allah swt.

وَتَوَاصَوْبَالحَقِّ وَتَوَاصَوْبِاالصَّبْرِ

“Jeung kudu silih wasiatan dina jalan hak sarta silih wasiatan dina kasabaran.”

Kaopat, upami beresin kedah ngucapkeun “Alhamdulillah” maka kanggo jalmi anu ngadanguna kedah ngucapkeun “Yarhamukalloh” hal ieu teh mangrupakeun hiji tanda yen beresin teh kanikmatan ti Gusti Alloh, nepi kajalma anu bersinna kudu muji ka Alloh tawis syukuran kana eta kanikmatan. Teras jalmi anu ngadangu “Yarhamukalloh” (mugi Alloh maparinan rohmat ka anjeun). Anu saterasna jalma anu beresinna ngucapkeun deui dua “yahdikumulloh” (muga Alloh maparing hidayah ka anjeun)

Kalima, upami aya jalmi anu teu damang maka pikeun jalma nu sehat kudu ngalayad. Hal ieu teh ngarupakeun hiji tanda yen antara sasama muslim kudu ngabogaan sifat ngaji rasa dina hartos yen urang sadaya upami aya jalmi anu teu damang rek tatangga atawa baraya, jauh atawa deukeut urang kedah ngiring ngaraoskeun ku cara ngalayad atawa ngadu’akeun supaya nu teu damang dipaparin katabahan sarta kasabaran sareng mugi-mugi Gusti Allah SWT ngadamangkeun deui.

Kagenep, upami aya jalmi maot bari jeung muslim maka kawajiban pikeun nu hirup kudu ngurusanan eta mayit, tikawit dimandian, di bungkus, dishalatkeun dugi ka dikuburkeunana. Hal ieu teh hiji tanda yen satiap muslim kudu boga rasa saling pikanyaah, pikadeudeuh lain keur hirup wungkul tapi nepi ka maotna.

Hadirin Rahimakumullah !

Mudah-mudahan naon rupa hal anu dianjurkeun ku Rosulluloh SAW, sapertos anu genep rupi tadi tiasa ku urang sadaya dilaksanakeun. Sahingga urang sadaya kenging kabagjaan hirup di dunya sareng akhirat. Amin.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَالْغَفُوْرُالرَّحِيْمُ

KHUTBAH KADUA

اَلْحَمْدُللهِ الَّذِىْ اَمَرَنَابِاالذِّكْرِاللهِ وَامْتِثَالِ اَوَامِرِاللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلهَ اِلاَّاللهُ وَحْدَهُ لاَشَرِيْكَ لَهُ, وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍ وَعَلَى اَلِهِ وَاَصَحَابِهِ. اَمَّابَعْدُ: فَيَاعِبَادَاللهِ, اِتَّقُواللهَ حَقَّ تَقْوَاهُ وَاَحُثُّكُمْ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلاَحْيَاءِ مِنْهُمْ وَاْلاَمْوَاتِ. رَبَّنَا أَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ . رَبَّنَاأَفْرِغْ عَلَيْنَاصَبْرًاوَّثَبِّتْ أَقْدَامَنَاوَانْصُرْنَاعَلَى الْقَوْمِ الْكَافِرِينَ.رَبَّنَااتِنَافِى الدُّنيَاحَسَنَةً وَّفىِ اْلاخِرَةِ حَسَنَةً وَّقِنَا عَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ .

Disusun ku: Jamal Shidiq, S. Pd.I
Panyalaras Bahasa ku Imam Hamidi Antassalam.
Dikaluarkeun ku Seksi Bimas Islam Kemenag Kota Banjar, Jabar.

Download Naskah Khutbah Bahasa Sunda “Hak Muslim Jeung Sasama Muslim >> Di sini