Budi Pekertina Jalmi Mukmin, Khutbah Jum’at Bahasa Sunda

NU CILACAP ONLINE – Budi Pekertina Jalmi Mukmin, artinya perilaku orang beriman yang baik. Adalah judul Khutbah Sunda kali ini di mana di dalamnya membahas bagaimana budi pekerti seorang mukmin.

Budi pekerti atau akhlak dan kesopanan adalah bagian esensi dari ajaran agama Islam, ia menduduki tempat terhormat dalam Islam, tidaklah sempurna iman seseorang muslim kecuali ia menghiasi dirinya dengan akhlakul karimah (akhlak yang terpuji) Akhlak merupakan pondasi bagi terbentuknya masyarakat yang Islami, yaitu sebuah masyarakat yang menentang segala perilaku bejat, mungkar dan ketidaksopanan lainnya.

Kali ini NU Cilacap Online NUCOM mengetengahkan Khutbah Jum’ah Bahasa Sunda guna meneguhkan kembali kaum muslim dalam menjaga iman pentingnya nilai akhlak atau budi pekerti dengan judul BUDI PEKERTINA JALMI MUKMIN.

= KHUTBAH PARTAMI =

اَلْحَمْدُ للهِ الَّذِيْ هَدَانَا لِهَذَا وَمَاكُنَّا لِنَهْتَدِيَ لَوْ لاَ اَنْ هَدَانَا اللهُ. اَشْهَدُ اَنْ لاَ اِلهَ اِلاَّ اللهُ وَحْدَهُ لاَ شَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ لاَنَبِيَ بَعْدَهُ. اَللّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ وَالتَابِعِيْنَ وَتَابِعِ التَابِعِيْنَ اِلَى يَوْمِ القِيَامَةِ. فَيَـااَيُّـهَااْلحَاضِرُوْنَ, اِتَّقُوْاالله حَيْثُمَا كُنْتُمْ وَاِنَّ اْلجَنَّـةَ اُعِـدَّتْ لِلْمُتَّقِيْنَ. وَقَالَ اللّهُ تَعَالَى فِى الْقُرْأنِ الْكَرِيْمِ، أَعُوْذُ بِااللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمنِ الرَّحِيْمِ . لَّا خَيۡرَ فِي كَثِيرٖ مِّن نَّجۡوَىٰهُمۡ إِلَّا مَنۡ أَمَرَ بِصَدَقَةٍ أَوۡ مَعۡرُوفٍ أَوۡ إِصۡلَٰحِۢ بَيۡنَ ٱلنَّاسِۚ وَمَن يَفۡعَلۡ ذَٰلِكَ ٱبۡتِغَآءَ مَرۡضَاتِ ٱللَّهِ فَسَوۡفَ نُؤۡتِيهِ أَجۡرًا عَظِيمٗا  

Hadirin Ahli Jum’ah Rohimakumulloh.

Ti kawitan Islam lungsur ngalangkungan perantawis Kangjeng Rosul SAW kaayaan anu harénghéng sarta matak gimir, robah janten kaayaan anu mantak pikabetaheun luyu sareng jalanna waktos. Atuh lami-lami janten duduluran, silih hargaan, sabilulungan di antara suku bangsa Arab ngawitan katingali saé pisan sareng ajeg kiat didasaran ku pilar akidah Islam.

Al-Qur’an mepélingan, yén duduluran jeung paheuyeuk-heuyeuk leungeun anu diwangun, éta nikmat anu dianugerahkeun ku Alloh ka jalmi-jalmi anu ariman. Kantenan Kangjeng Rosul SAW seueur pisan ngelingan luhurna darajat wasilahna ajaran Agama Islam.

Kangjeng Nabi Muhammad SAW nyamikeun duduluran di antara sasama mukmin téh lir ibarat hiji dedegan atanapi wangunan, anu teu tiasa dipisahkeun bagian-bagianna, sangkan éta wangunan jadi sampurna weweg. Pidawuh Mantenna:

اَلْمُؤْمِنُ لِلْمُؤْمِنِ كَالْبُنْيَانِ يَشُدُّ بَعْضَهُ بَعْضًا

Hartosna: “Ari mukmin pikeun mukmin sejenna téh lir ibarat hiji wangunan anu saling nguatan ka sawarehna deui”. (HR Bukhari Muslim)

Ajaran Islam, boh nu patali sareng hablum minalloh oge hablum minannaas, tetep dasarna kudu aya dina kaajegan anu mulya. Sapertos dina ngadegkeun shalat kedah beresih tina hadats sareng najis. nyakitu deui, dina ibadah goeru mahdoh, nya ningalikeun kamulyaan, sapertos akhlak nu mantak pikabetaheun jalmi lian-na. kumargi kitu, dina ngabuktikeun yen Islam teh pikabitaeun, hayu urang titenan sababaraha hal ieu:

Kahiji; Jalmi Mukmin kedah ngajaga duduluran jeung nyinglarkeun pacengkadan, ieu teh mangrupikeun bukti pageuhna iman. Sabalikna ngagugulung mumusuhan sarta papaseaan, éta teh jadi ciri lemahna iman.

Kadua; salawasna kedah waspada yěn sumber kaceuceub, mumusuhan, beda paham anu aya di antara umat éta téh, dorongan sareng panggoda syetan anu dilaknat. Lantaran, tipu daya syetan salawasna bakal ngolo ngajak manusa kana jalan anu mengpar, di antarana nyaéta nanceubkeun kaceuceub sarta mumusuhan.

Katilu; duduluran jeung guyub teh bakal ngadatangkeun kauntungan sarta ngajaga kamulyaan status sosial. Sabalikna papaséaan sarta mumusuhan bakal nimbulkeun karugian sarta ragragna harkat darajat manusa, sakumaha anu parantos dijelaskeun dina QS. Al-Anfal Ayat 46

وَاَطِيْعُوا اللّٰهَ وَرَسُوْلَهٗ وَلَا تَنَازَعُوْا فَتَفْشَلُوْا وَتَذْهَبَ رِيْحُكُمْ وَاصْبِرُوْاۗ اِنَّ اللّٰهَ مَعَ الصّٰبِرِيْنَۚ

Hartosna ; “Taatilah Alloh jeung Rosul-Na ulah anjeun berselisih, anu nyebabkeun anjeun jadi gentar jeung kakuatan anjeun hilang, bersabarlah. Sungguh, Alloh teh sarta urang-urang anu sabar”.

Kaopat; pacéngkadan sarta mumusuhan teh jadi sabab bakal ditutupna ampunan Allah SWT. Jadi rugi anu pohara badagna pikeun umat, lantaran saéstuna cita-cita sadaya muslim, tangtos miharep panghampura ti Nu Maha Kawasa sareng salamet dunya akherat, tur ditebihkeun tina seuneu naraka.

Jeung anu Kalima, ngajadikeun duduluran sarta guyub, minangka anu jadi salah sahiji di antara jalan amal sangkan kenging ridhona Allah SWT.

Sing saha anu ngalaksanakeun kalawan didasaran ku iman sarta niat anu lempeng, maka bakal kenging ganjaran anu agung. Ganjaran éta mangrupi kanikmatan didunya, anapon kanikmatan sawarga engké jaga diakherat. Eces pisan dina al-Qur’an Surat An-Nissa ayat 114., Allah SWT. Nandeskeun:

أَوۡ مَعۡرُوفٍ أَوۡ إِصۡلَٰحِۢ بَيۡنَ ٱلنَّاسِۚ وَمَن يَفۡعَلۡ ذَٰلِكَ ٱبۡتِغَآءَ مَرۡضَاتِ ٱللَّهِ فَسَوۡفَ نُؤۡتِيهِ أَجۡرًا عَظِيمٗا

Hartosna: “Atawa ngalampahkeun kahadean atawa nyieun karepeh-rapihan antara sasama manusa. Jeung sing saha nu milampah kitu karana miharep ridho Alloh, maka ku Kami bakal dipaparin ganjaran anu pohara géděna”. (An-nisa: 114)

Hadirin Ahli Jum’ah Rohimakumulloh.

Saéstuna dina Ajaran Islam ngenaan duduluran těh nikmat anu ageung pisan, sabab mumusuhan papalingpang paham sarta silih pika ceuceub eta teh hiji panyakit jeung pacogregan anu bakal nyeepkeun tanaga. Duduluran oge bakal jadi nikmat anu badag, hargana mahal lantaran nikmat duduluran sarta gotong royong, guyub silih pikadeudeuh teh mangrupikeun nikmat dina jiwa (hate). Ku jalan duduluran sarta gotong royong, sakumaha beuratna oge hiji pagawean, pasti bakal bisa jadi hampang.

Ajaran Islam dina ngamulyakeun tatali kawargian, tangtu curahanana nyandak manfaat kasakumna umat manusa di ieu alam dunya, kalebet lemah cai, nu kasebat urang Sunda. Margi kitu, urang sunda tibaheula oge tos ngagem sarta ngartos kana pentingna duduluran sarta gotong royong.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ, وَنَفَعَنِيْ وَإِيَّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ, وَتَقَبَّلَ مِنِّيْ وَمِنْكُمْ تِلاَوَتَهُ إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَاسْتَغْفِرُ اللهَ الْعَظِيْمَ لِيْ وَلَكُمْ فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.

= KHUTBAH KADUA =

اَلْحَمْـدُ للهِ رَبِّ الْعَـالَمِيْـنَ، وَبِـه نَسْتَعِيْـنُ عَلَى اُمُـوْرِ الدُّنْـيَا وَالدِّيـنِ، وَالصَّـلاَةُ وَالسَّـلاَمُ عَلَى اَشْرَفِ الْاَنْـبِيَاءِ وَالْمُرْسَلِيْـنَ، وَعَلَى اَلِهِ وَصَحْـبِهِ اَجْمَعِيْـنَ. اَشْهَـدُ اَنْ لاَاِلهَ اِلاَّ اللهُ الْمَلِكُ الْحَقُّ الْمُبِيْـنُ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ اْلاَمِيْـنُ، اَللّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ . اَمَّابَعْـدُ: فَـيَااَيُّـهَا النَّـاسُ اتَّقُـوْ اللهَ حَقَّ تُقَـاتِـه وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. اَللّـهُمَّ اغْـفِرْ لِلْمُسْلِمِيْـنَ وَالْمُسْـلِمَاتِ وَالْمُؤْمِنِيْـنَ وَالْمُؤْمِنَـاتِ اَلْاَحْياءِ مِنْـهُمْ وَاْلاَمْـوَاتِ، رَبَّنَاأَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ، رَبَّـنَا اتِـنَا فِى الدُّنْـيَا حَسَنَـةً وَفِى اْلاخِرَةِ حَسَنَـةً وَقِنَاعَـذَابَ الـنَّارِ. وَالْحَمْـدُ للهِ رَبِّ الْعَـالَمِيْـنَ.

 

Khutbah Sunda berjudul Budi Pekertina Jalmi Mukmin ini disusun oleh Jamal Shidiq, S.Pd.I
Dikaluarkeun ku: Seksi Bimas Islam Kemenag Kota Banjar Jabar.
Panyalaras Bahasa ku: Imam Hamidi Antassalam

Download Naskah Lengkap Khutbah Jumat NU Cilacap Online dalam bahasa sunda Budi Pekertina Jalmi Mukmin >>> di sini

Baca juga Khutbah Bahasa Sunda; Hak Muslim Jeung Sasama Muslim