Khutbah Jumat Bahasa Sunda, Khauf Jeng Raja’

NU Cilacap Online – Pada Khutbah Jumat Bahasa Sunda kali ini di NU Cilacap Online berjudul Khauf Jeng Raja’ yang mengisahkan perjalanan hidup seseorang yang diliputi dua hal yang selalu silih-berganti yakni kegembiraan dan kesedihan.

Kegembiraan bisa dikarenakan mendapatkan sesuatu yang diharapkan, Sedang Kesedihan bisa datang saat tidak atau belum mendapatkan sesuatu yang diinginkan.

Semua orang memiliki sejumlah harapan. Tetapi, tidak semua yang diharapkan pada akhirnya diperolehnya.

Maka para ulama berpendapat bahwa terdapat dua hal dalam sisi spiritualitas seorang muslim yang harus dibangun dan dijaga keseimbangannya. Kedua hal tersebut ialah khauf dan Raja’.

Apa itu Khauf-Raja’ (Khauf Jeng Raja’)? Khauf yang berarti ketakuatan, kekhawatiran atas siksa atau azab Allah SWT sebagai akibat dari perbuatan dosanya. Sementara Raja’ ialah pengharapan atas kemurahan, pengampunan dan kasih sayang Allah SWT.

Khutbah Pertama

أَلْحَمْدُ لِلّهِ الَّذِيْ أَنْعَمَ عَلَيْنَا بِنِعْمَةِ الْإِيْمَانِ وَاْلإِسْلاَمِ . اَشْهَدُ اَنْ لاَاِلَـهَ اِلاَّ اللهُ الْمَالِكُ الْعَلاَمُ ، وَاَشْـهَدُ اَنَّ مُحَمَّدًا عَبْدُهُ وَرَسُوْلُهُ الْمَبْعُوْثُ رَحْمَةً لِّلْاَنَامِ . اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَّ عَلَى اَلِهِ وَاَصْحَابِهِ ذُوْ الْفَضْلِ وَالْإِنْعَامِ. اَمَّا بَعْدُ: فَيَا اَيُّهَا الْحَاضِرُوْنَ, اُوْصِيْكُـمْ وَاِيَّـايَ بِتَقْوَى اللهِ فَقَدْ فَازَ الْمُتـَّقُوْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ ، أَعُوْذُ بِااللّهِ مِنَ الشَّيْطَانِ الرَّجِيْمِ. بِسۡمِ ٱللَّهِ ٱلرَّحۡمَٰنِ ٱلرَّحِيم . قُلْ يَا عِبَادِيَ الَّذِيْنَ أَسْرَفُوْا عَلَى أَنْفُسِهِمْ لَا تَقْنَطُوا مِنْ رَّحْمَةِ اللهِ إِنَّ اللهَ يَغْفِرُ الذُّنُوْبَ جَمِيْعًا اِنَّهُ هُوَ الْغَفُوْرُ الرَّحِيْمُ .

Hadirin Sidang Jum’ah Rahimakumullah,
Salah sawios anu ngamotivasi (ngadorong) urang dina milampah amal shaleh, nyaéta sifat roja’ atanapi miharep rahmat Allah. Sawangsulna, salah sawios anu ngadorong urang ngeureunan padamelan goreng jeung dosa nyaéta sifat khouf atanapi rasa sieun kana bebendu Allah.

Patali sareng hal ieu, Imam Al-Muhasibi parantos nguningakeun dina kitab Adabu Nufus yen sifat roja’ teh nyaéta urang ngarep-ngarep rahmat Allah SWT supaya amal urang ditarima ogé diageungkeun pahalanana. Sagigireun ti éta, urang ngagaduhan sifat khouf atanapi rasa sieun amal urang teu ditarima sareng teu dipika ridha ku Mantenna.

Tah ieu teh karek tingkatan roja’ anu paling handap anu aya dina diri hiji hamba nalika manehna migawe amal. Sabab tingkatan roja’ anu pang luhurna mah nyaéta, nalika manehna amal, lain miharep pahala sareng balasan surga, tapi miharep ridha-Na AllAh SWT.

Baca juga Bacaan, Teks, Naskah dan Doa Pembuka Khutbah Jumat

Sabab ku ridha-Na Allah, di mana waé hiji hamba ditempatkeun pasti bakal kenging kabagjaan. Nanging moal mungkin Allah SWT nempatkeun hamba-Na di tempat anu dipersiapkeun keur ngahukum hamba-hamba-Na anu maksiat.

Salajengna, Al-Muhasibi nyebatkeun yen jalmi-jalmi anu roja’ atanapi anu miharep ka Allah SWT teh aya tilu: Nu kahiji nyaéta:

رَجُلٌ عَمِلَ حَسَنَةً وَهُوَ صَادِقٌ فِي عَمَلِهَا مُخْلِصٌ فِيْهَا يُرِيْدُ اللهُ بِهَا وَيَطْلُبُ ثَوَابَهُ فَهُوَ يَرْجُو قَبُوْلَهَا وَثَوَابَهَا وَمَعَهُ الْأَشْفَاقُ فِيْهَا

Hartosna:“Jalmi anu midamel kahadean sareng bener-bener oge ikhlas dina midamelna. Anjeuna murni miharep ridha Allah ogé nyuprih balesannana. Miharep amalna ditarima ogé dibales. Ngalangkungan amal eta, anjeuna oge miharep welas asih-Na.”

Baca Juga: Khutbah Jumat Bahasa Sunda: Harta Anu Mawa Bagja Jeung Waluya

Bentuk roja’ anu kadua nyaéta:

 رَجُلٌ عَمِلَ سَيِّئَةً ثُمَّ تَابَ مِنْهَا إِلَى اللهِ فَهُوَ يَرْجُو قَبُوْلَ تَوْبَتِهِ وَثَوَابَهَا وَيَرْجُوا الْعَفْوَ عَنْهَا وَالْمَغْفِرَةَ لَهَا وَمَعَ الْأَشْفَاقُ أَنْ لَا يُعَاقِبَهُ عَلَيْهَا

Hartosna:“Jalmi anu midamel goreng tuluy tobat ka Allah. Satuluyna manehna miharep tobatna ditarima, miharep balesan tobatna, sareng miharep ampunan ogé magfirah Allah. Salian ti éta, anjeuna miharep supaya Allah teu ngahukum dirina.

Bentuk roja nu katilu nyaeta:

 فَهُوَ الرَّجُلُ يَتَمَادَى فِي الذُّنُوْبِ وَفِيْمَا لَا يُحِبُّهُ لِنَفْسِهِ وَلَا يُحِبُّ أَنْ يَلْقَى اللهَ بِهِ وَيَرْجُو الْمَغْفِرَةَ مِنْ غَيْرِ تَوْبَةٍ وَهُوَ مَعَ ذَالِكَ غَيْرُ تَائِبٍ مِنْهَا وَلَا مُقْلِعٌ عَنْهَا وَهُوَ مَعَ ذَالِكَ يَرْجُو

Hartosna: ”Jalma anu lamokot ku dosa oge ku perkara-perkara anu teu dipikahayang ku dirina, manehna oge teu miharep Allah nimpakeun dirina kana perkara-perkara tadi, ngan manehna masih miharep ampunan tanpa migawe tobat. Nyakitu keneh manehna teu ngalesotkeun pagawean dosana. Sanajan kitu, manehna tetep miharep ka Allah.”

Tah numutkeun Imam Al-Muhasibi, tipe jalma anu katilu teh nyaeta jalma anu katipu. Harepan, cita-cita, sareng kahayangna pinuh ku kapalsuan. Kalih ti eta, jalma anu boga sikap kitu, sarua jeung jalma anu megatkeun rahmat Allah tina hatena. Sabalikna, manehna terus-terusan malengos ti Allah. Manehna tetep tenang aya dina tipu daya Allah.

Baca juga Khutbah Jumat Bahasa Sunda Kasaimbangan Hirup Modern

Manehna jongjon jeung siksaan Allah anu mungkin wae diheulakeun. Makana, manehna disebut jalma anu katipu sareng kabobodo tenjo kasamaran tingali.

Janten, khouf atanapi rasa sieun ka Allah kudu leuwih gede tibatan roja’ atanapi ngarep-ngarep rahmat-Na. Sabab, mungkin wae, sanajan nuju midamel amal hade oge, amal urang teu dipika ridha ku Allah SWT.

Sanos kitu, urang teu kenging putus asa miharep rahmat Alloh SWT, sanaos urang kalebet jalmi anu bobolokot ku dosa. Nanging, sajero miharep rahmat eta, urang kedah midamel tobat ogé leres-leres uih kana jalan anu dipika ridha ku Allah, sabab Allah nyaéta pangeran anu maha welas asih tur maha ngahampura, sakumaha dawuhannana:

قُلْ يَا عِبَادِيَ الَّذِيْنَ أَسْرَفُوْا عَلَى أَنْفُسِهِمْ لَا تَقْنَطُوا مِنْ رَّحْمَةِ اللهِ إِنَّ اللهَ يَغْفِرُ الذُّنُوْبَ جَمِيْعًا اِنَّهُ هُوَ الْغَفُوْرُ الرَّحِيْمُ

Hartosna, “He hamba-hamba Kaula anu kaleuleuwihi kana dirina, ulah rek putus asa aranjeun tina rahmat Allah. Saenya-enyana Allah eta dzat anu maha ngahampura kana dosa-dosa. Ogé saénya-ényana Allah téh dzat anu Maha Ngahampura sareng anu Maha Welasasih,” ( Az-Zumar : 53).

Hadirin Sadaya Anu Sami Dimulyakeun ti gusti Allah SWT,

Mugia wae urang kagolongkeun jalma anu teu pegat tina rahmat Allah, kagolong jalma-jalma anu salawasna miharep rahmat Allah, oge jalma-jalma anu tobat oge balik ka jalan Allah, ogé jalma-jalma anu kenging panghampura ti Allah SWT.

بَارَكَ اللهُ لِيْ وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَ الْغَفُوْرُ الرَّحِيْمُ

Khutbah Kadua

الْحَمْدُ لِلّٰهِ الَّذِيْ فَضَّلَنَا عَلٰى كَثِيْرٍ مِّنْ عِبَادِهِ الْمُؤْمِنِيْنَ، وَالصَّـلاَةُ وَالسَّـلاَمُ عَلَى اَشْرَفِ اْلاَنْـبِيَاءِ وَالْمُرْسَلِيْـنَ، وَعَلَى اَلِهِ وَصَحْـبِهِ اَجْمَعِيْـنَ. اَشْهَـدُ اَنْ لاَاِلَهَ اِلاَّ اللهُ الْمَلِكُ الْحَقُّ الْمُبِيْـنُ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ اْلاَمِيْـنُ، اَللّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ . اَمَّابَعْـدُ: فَـيَااَيُّـهَا النَّـاسُ اتَّقُـوْ اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. اَللّـهُمَّ اغْـفِرْ لِلْمُسْلِمِيْـنَ وَالْمُسْـلِمَاتِ وَالْمُؤْمِنِيْـنَ وَالْمُؤْمِنَـاتِ اَلْاَحْياءِ مِنْـهُمْ وَاْلاَمْـوَاتِ، رَبَّنَاأَنْزِلْنَا مُنْزَلاً مُبَارَكًاوَأَنْتَ خَيْرُالْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ .رَبَّـنَااَتِـنَافِى الدُّنْـيَاحَسَنَـةًوَفِى اْلاَخِرَةِحَسَنَـةً وَقِنَاعَـذَابَ الـنَّارِ.بِرَحْمَتِكَ يَااَرْحَمَ الرَّاحِمِيْنَ. وَالْحَمْـدُ للهِ رَبِّ الْعَـالَمِيْـنَ.

Tema: Khauf Jeng Raja,
Disusun ku: Jamal Shidiq, S.Pd.I,
Dikaluarkeun ku Seksi Bimas Islam Kankemenag Kota Banjar, Jabar.
Panyalaras bahasa ku Imam Hamidi Antassalam.