Khutbah Sunda, Harta Jeung Anak Mung Perhiasaan Dunya

NU CILACAP ONLINE – Khutbah Jumat NU CILACAP ONLINE kali ini berjudul Harta Dan Anak Hanyalah Perhiasan atau dalam Bahasa Sunda “Harta Jeung Anak Mung Perhiasaan Dunya”.

Allah SWT menjelaskan bahwa kebanggaan manusia adalah harta benda dan anak-anak, karena manusia sangat memperhatikan keduanya. Banyak harta dan anak memberikan kehidupan dan bahkan martabat terhormat. Di sisi lain karena harta dan anak pula, orang menjadi takabur, sombong dan merendahkan orang lain.

Allah SWT menegaskan bahwa keduanya hanyalah perhiasan hidup duniawi, bukan perhiasan ukhrawi. Karena keduanya akan segera binasa dan tidak patut dijadikan bahan kesombongan. Allah SWT jelaskan dalam kalamnya; “Harta dan anak-anak adalah perhiasan kehidupan dunia, sedangkan amal kebajikan yang abadi (pahalanya) adalah lebih baik balasannya di sisi Tuhanmu serta lebih baik untuk menjadi harapan.” (QS Al Kahfi ayat 46)

Khutbah Pertama

الْحَمْدُ لِلّٰهِ الَّذِيْ فَضَّلَنَا عَلٰى كَثِيْرٍ مِّنْ عِبَادِهِ الْمُؤْمِنِيْنَ. اَشْهَـدُ اَنْ لاَاِلَهَ اِلاَّ اللهُ الْمَلِكُ الْحَقُّ الْمُبِيْـنُ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ اْلاَمِيْـنُ، اَللّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ . اَمَّابَعْـدُ: فَـيَااَيُّـهَا النَّـاسُ اتَّقُـوْ اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ ، أَعُوْذُ بِااللّهِ مِنَ الشَّيْطَانِ الرَّجِيْمِ. بِسۡمِ ٱللَّهِ ٱلرَّحۡمَٰنِ ٱلرَّحِيم . يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَّفْعَلْ ذَالِكَ فَأُولَئِكَ هُمُ الْخَاسِرُونَ .

Hadirin Ahli Jum’ah rahimakumullah

Urang kedah emut, yen murangkalih urang teh anugrah ti Nu Maha Kawasa. Murangkalih oge amanah sareng perhiasan keur urang, janten pangbeberah manah sareng kabanggaan dunya kalih akheratna. Teras di sagigireun ti eta, murangkalih oge tiasa janten fitnah atanapi ujian, malih tiasa janten musuh keur urang. Salajengna, iraha atuh murangkalih urang tiasa janten musuh, janten ujian, janten perhiasan sareng janten pangbeberah hate.

Baca juga Khutbah Bahasa Sunda Sikep Jalmi Mukmin

Dina Al-Qur’an parantos eces jentre Allah ngajelaskeun ngeunaaan kaayaan murangkalih kanggo urang sadayana, diantawisna teh nyaeta aya opat:

Kahiji, murangkalih tiasa janten penenang hate, penyejuk jiwa, sareng pamingpin jalmi-jalmi anu takwa. Kaayaan ieu janten kaayaan anu pang saena sareng pang luhurna. Hal ieu parantos diuningakeun dina do’a anu aya dina Al-Qur’an anu sok biasa diaos ku urang:

رَبَّنا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَّاجْعَلْنَا لِلْمُتَّقِينَ إِمَامًا

Hartosna: “Nun Gusti Pangeran abdi sadaya, anugrahkeun ka abdi sadaya, istri-istri sareng turunan abdi sadaya nu janten panenang hate, sareng jantenkeun abdi sadaya imam kanggo jalmi-jalmi anu takwa.” (al-Furqon: 74)

Para ulama ahli tafsir parantos nyebatkeun, yen maksad qurrota a’yun dina ayat di luhur, nyaeta murangkalih anu soleh, taat ka Allah sareng rasul-Na, bakti ka ibu-rama, manfaat kanggo sasama. Matak teu heran, murangkalih anu ngagaduhan sifat sapertos kitu bakal janten pamingpin ka jalmi-jalmi takwa di dunya sareng akherat.

Baca juga Khutbah Jumat Bahasa Sunda, Hari Santri Nasional 

Perjuangan Atawa Do’a

Nanging, murangkalih anu sapertos kitu teu lahir kitu wae. Diperyogikeun perjuangan anu kiat ti urang salaku sepuhna kanggé ngasuh, ngabina, sareng ngadidikna, malihan tos pasti ngabiayaanna. Ogé anu kalintang pentingna nyaeta do’a, imma ti urang salaku sempuh atanapi do’a ti jalmi-jalmi saroleh.

Kadua, murangkalih mangrupikeun perhiasan dunya. Hal ieu diuningakeun ku Allah SWT dina al-Qur’an:

الْمَالُ وَالْبَنُونَ زِينَةُ الْحَيَاةِ الدُّنْيَا

Hartosna: “Harta sareng murangkalih teh perhiasan kahirupan dunya.” ( Al-Kahfi: 46)

Dina ayat nembe, murangkalih di ibaratkeun perhiasan sareng kakayaan dunya kanggé anu janten sepuhna. Layakna perhiasan sareng kekayaan, murangkalih kedah dijaga, malihan dipika nyaah sahade-hadena ku para sepuhna. Ku hal eta, murangkalih disajajarkeun sareng hiasan sareng kakayaan dunya nu sanesna.

Baca juga Khutbah Jumat Bahasa Sunda Hakekat Ibadah Shalat

Hadirin Ahli Jum’ah rahimakumullah

Nanging, kacintaan hiji sepuh anu kaleuleuwihan bakal ngajantenkeun laley kana hal-hal anu ngabahayakeun murangkalih nyalira. Nalika tos laley, para sepuh bakal hilap yen perlakuan anu dipasihkeun ka murangkalihna bakal ngaruksak masa depan murangkalih anu dipikanyaahna. Kumargi kitu, dina ayat anu sanes, Allah SWT parantos masihan tanbih (pangéling-ngéling) ka jalmi nu iman, supaya kakayaan sareng turunan ulah mantak poho ka Allah SWT. Sakumaha pidawuhna dina Al-Qur’an:

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَالِكَ فَأُولَئِكَ هُمُ الْخَاسِرُونَ

Hartosna: “He jalma-jalma nu iman, ulah rek katungkul ku harta aranjeun jeung Anak-anak aranjeun sahingga mopohokeun aranjeun tina eling ka Allah. Sing saha jalma anu migawe kitu maka maranehna bakal jadi jalma anu rugi.” (Al-Munafiqun: 9)

Katilu, murangkalih mangprupikeun fitnah atanapi ujian, sakumaha anu diuningakeun ku Allah SWT :

إِنَّمَا أَمْوَالُكُمْ وَأَوْلَادُكُمْ فِتْنَةٌ وَاللَّهُ عِنْدَهُ أَجْرٌ عَظِيمٌ

Hartosna: “Saenya, harta jeung Anak-anak aranjeun mung saukur cobaan (keur aranjeun), sareng di sisi Alloh aya pahala anu ageung.” ( At-Taghabun: 15)

Baca juga Harta Jeung Katurunan Éta Cobaan Allah SWT

Amanah lan Titipan

Mungkin ieu anu dimaksad murangkalih janten amanah atanapi titipan anu kedah dijagi kalayan saleres-leresna. Dicumponan hak-hakna, dipikanyaah, dirawat, dididik supaya ngabogaan masa depan anu sae sareng tiasa ngabagjakeun sepuhna. Sing emut yen Allah SWT ngagaduhan balesan anu ageung kanggo jalmi-jalmi anu ngajagi amanah. Maka ulah rek disia-siakeun jiwa sareng raga murangkalih urang, ulah dibunuh murangkalih urang ku sabab alesan sieun miskin.

Kaopat, kadang murangkalih bakal janten musuh. Hal ieu parantos diuningakeun ku Allah SWT:

يا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلاَدِكُمْ عَدُوًّا لَّكُمْ فَاحْذَرُوهُمْ

Hartosna: “He jalma-jalma nu iman, saenya-enyana di antara istri-istri aranjeun sareng Anak-anak aranjeun aya anu jadi musuh keur aranjeun, maka kedah ati-ati aranjeun ka maranehna.” (At-Taghobun: 14)

Sapalihna mufasir ngajelaskeun, maksad murangkalih janten musuh di dieu teh nyaeta janten pihak anu ngahalang-halang kana jalan Alloh jeung kana kataatan. Makana, urang kedah ati-ati supaya teu dijongklokeun ku Anak. Hal ieu pernah kajantenan ka para sahabat sawaktos bade hijrah nuturkeun Kangjeng Rasul nanging dihalang-halang ku murangkalihna.

Hadirin Ahli Jum’ah anu Sami Mulya

Tah kitu kaayaan murangkalih, mugia murangkalih urang sing janten murangkalih anu soleh sareng solehah, ngabanggakeun ka urang sadaya, taat ka Allah kalih rasul-Na, bakti ka ibu rama, sahingga janten pang beberah manah, kabanggaan kanggo urang, ogé janten syafaat di akherat. Aamiin…

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَالْغَفُوْرُالرَّحِيْمُ

Khutbah Kadua

اَلْحَمْدُ للهِ الَّذِىْ اَمَرَنَابِاكَثْرَةِ ذِكْرِاللهِ وَامْتِثَالِ اَوَامِرِاللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّاللهُ وَحْدَهُ لاَشَرِيْكَ لَهُ, وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَامُحَمَّدٍنِ ابْنِ عَبْدِاللهِ وَعَلَى اَلِهِ وَاَصَحَابِهِ. اَمَّابَعْدُ: فَيَاعِبَادَاللهِ, اِتَّقُواالله َحَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَاْلاَمْوَاتِ. رَبَّنَاأَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ .رَبَّنَاأَفْرِغْ عَلَيْنَاصَبْرًاوَثَبِّتْ أَقْدَامَنَاوَانْصُرْنَاعَلَى الْقَوْمِ الْكَافِرِينَ.رَبَّنَا اَتِنَا فِى الدُّنيَاحَسَنَةً وَّفىِ اْلاَخِرَة حَسَنَةً وَّقِنَا عَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ .

Tema: Harta Jeung Anak Mung Perhiasaan Dunya
Disusun ku: Jamal Shidiq, S.Pd.I
Dikaluarkeun ku: Seksi Bimas Islam Kankemenang Kota Banjar Jabar
Panyalaras Bahasa ku: Imam Hamidi Antassalam
Fle PDF: Download KHUTBAH Sunda: HARTA JEUNG ANAK MUNG PERHIASAN DUNYA – di sini!