Khutbah Jumat Bahasa Sunda, Hikmah Puasa Romadhon

NU Cilacap Online — Puasa bukan hanya ibadah menahan lapar dan dahaga melainkan sarana pendidikan jiwa yang sangat komprehensif. Maka Khutbah Jumat Bahasa Sunda ini berjudul Hikmah Puasa Sasih Romadhon.

Ada banyak hikmah puasa yang bisa kita ambil, mulai dari meningkatkan ketakwaan, melatih kesabaran, menjaga kesehatan, hingga membentuk kepribadian yang lebih baik.

Dengan memahami dan mengamalkan hikmah puasa dalam kehidupan sehari-hari, seorang muslim akan semakin dekat dengan Allah dan mampu menjalani kehidupan dengan penuh keberkahan.

Maka, mari kita jadikan puasa sebagai momentum untuk memperbaiki diri dan memperkuat iman sepanjang hayat. Berikut ini Khutbah Jumat Bahasa Sunda, Hikmah Puasa Sasih Romadhon

Khutbah Pertama

الْحَمْدُ لِلّٰهِ الَّذِيْ فَضَّلَنَا عَلٰى كَثِيْرٍ مِّنْ عِبَادِهِ الْمُؤْمِنِيْنَ. اَشْهَـدُ اَنْ لاَاِلَهَ اِلاَّ اللهُ الْمَلِكُ الْحَقُّ الْمُبِيْـنُ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ اْلاَمِيْـنُ، اَللَّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ . اَمَّابَعْـدُ, فَـيَااَيُّـهَا النَّـاسُ اتَّقُـوْ اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ: أَعُوْذُ بِااللّهِ مِنَ الشَّيْطَانِ الرَّجِيْمِ.. بِسْمِ اللهِ الرَّحْمنِ الرَّحِيْمِ. يَاأَيُّهَا الَّذِينَ ءَامَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ .

Hadirin Ahli Jum’ah Rohimakumulloh, Alhamdulillah sukur sapinuh langit jeung bumi urang sadaya didugikeun kana  sasih Romadhon anu pinuh barokah kalayan dipasihan kanikmatan anu utami nyaéta nikmat Islam, iman sareng ihsan.

Sholawat sareng salam mugi salamina didugikeun kapang utamina Nabi nyaéta Kangjeng Nabi Muhammad SAW., ka para sahabatna, kakulawargina, katabi’in, tabi’it tabi’in, ogé urang sadayana salaku umatna anu sami tumut kana anjaran Mantenana.

Hadirin Ahli Jum’ah Rohimakumulloh, Salah sahiji ibadah anu seueur pisan kautamaanana jeung kaunggulannana téh nyaéta ibadah dina sasih Romadhon, diantawisna:

Kahiji, sakumaha kasauran Kangjeng Rosululloh Shollallohu ‘alaihi wa Salam:

قَدْ جَاءَكُمْ رَمَضَانُ شَهْرٌ مُبَارَكٌ, اِفْتَرَضَ اللَّهُ عَلَيْكُمْ صِيَامَهُ تُفْتَحُ فِيهِ أَبْوَابُ الْجَنَّةِ, وَيُغْلَقُ فِيهِ أَبْوَابُ الْجَحِيمِ, وَتُغَلُّ فِيهِ الشَّيَاطِينُ, فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا قَدْ حُرِمَ 

Hartosna: “Geus datang kaaranjeun bulan Romadhon, bulan anu pinuh berkah, dilebetna Alloh ngawajibkeun ka aranjeun puasa, dibukakeun panto-panto surga dibuka lebar jeung panto-panto naraka ditutup rapet, jeung setan-setan dirangket. dibulan Romadhon aya hiji peuting anu leuwih alus daripada saribu bulan, jeung singsaha anu henteu ngameunangkeun éta peuting maka manehna geus kaleungitan pahala saribu bulan.” (Hadits Riwayat Imam Ahmad).  

Kadua, jalmi nu bungah ku datangna bulan Romadhon maka bakal salamet tina seneu naraka. Pidawuh kangjeng Rosul SAW;

مَنْ فَرِحَ بِدُخُولِ رَمَضَانَ حَرَّمَ اللَّهُ جَسَدَهُ عَلَى النِّيرَانِ

Hartosna: “Sing saha anu ngarasa bungah ku datangna bulan Romadhon, maka Alloh bakal  ngaharamkeun jasadna kana seuneu neraka.” (Hadis Riwayat Baihaqi sareng Thobroni).

Katilu, Ibadah puasa ngadidik urang sangkan ngarasa diawasi, diperhatikeun, jeung ditingalikeun ku Alloh SWT anu disebat Ihsan tea, maka bakal sampurna Agamana.

   أَنْ تَعْبُدَ اللهَ كَأَنَّكَ تَرَاهُ فَإِنْ لَمْ تَكُنْ تَرَاهُ فَإِنَّهُ يَرَاكَ.

Hartosna:”Anjeun Ibadah ka Alloh saolah-olah anjeun ningali Anjeun-Na, Tapi lamun anjeun henteu ningali ka Anjeun-Na, maka saestuna Anjeun-Na ningali ka anjeun. “(HR.Bukhori Muslim) 

Puasa ogé mangrupikeun hiji ibadah anu rahasia, ngan kauninga ku dirina masing-masing jeung ku Alloh. Sakumaha dawuhan Alloh dina salah sawios hadis Qudsi:

 يَتْرُكُ طَعَامَهُ وَشَرَابَهُ وَشَهْوَتَهُ مِنْ أَجْلِيْ اَلصِّيَامُ لِيْ وَأَنَا أَجْزِي بِهِ 

Hartosna: “Manehna ninggalkeun daharna jeung nginumna, jeung nafsuna karana Kaula. Puasa éta keur Kaula, jeung Kaula nu bakal ngabalesna..” (HR. Bukhori ti Abu Hurairoh)

Hadirin Mukminin Shoimin Rohimakumulloh, Puasa ngadidik diri dina kasabaran, jeung nahan diri tina hawa nafsu amaroh (anu ngajak kana kagorengan). Tegesna, Kudu ninggalkeun perkara-perkara anu dilarang Alloh SWT.

 مَنْ لَمْ يَدَعْ قَوْلَ الزُّوْرِ وَالْعَمَلَ بِهِ فَلَيْسَ اللهُ حَاجَةٌ فِي أَنْ يَدَعَ طَعَامَهُ وَشَرَابَهُ

Hartosna: “Sing saha jalma anu henteu ninggalkeun ucapan jeung pagawean bohong, maka Alloh henteu ngabutuhkeun puasana tina dahar jeung nginumna..” (HR. al-Bukhori ti Abu Hurairoh)

Tujuan puasa anu langkuh jentre nyaéta dawuhan Alloh SWT dina al-Qur’an:

يَاأَيُّهَا الَّذِينَ ءَامَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ 

Hartosna: “Yeuh jalma-jama nu iman, diwajibkeun ka aranjeun puasa sakumaha diwajibkeun ka jalma-jalma saméméh aranjeun supaya aranjeun jadi jalma anu taqwa.” (al-Baqoroh: 183).

Para Hadirin Muslimin Mukminin Rohimakumulloh, Seueur pisan katerangan-katerangan anu ngajelaskeun ngeunaan kautamaan ibadah puasa jeung kautamaan bulan Romadhon anu teu tiasa didugikeun dina kasempatan ieu.

Mudah-mudahan urang sadayana dipaparinan panjang yuswa kalayan sehat kiat dina ngalaksanakeun ibadah saom sasih Romadhon ayeuna kalayan sampurna, ogé ditampi sadaya amal ibadah urang ku Alloh Subhanahu wata’ala. Aamiin.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُؤْمِنِيْـنَ وَالْمُحْسِنِيْنَ اِنَّهُ هُوَالْغَفُوْرُالرَّحِيْمُ

Khutbah Kadua

اَلْحَمْـدُ للهِ رَبِّ الْعَـالَمِيْـنَ، وَبِـهِ نَسْتَعِيْـنُ عَلَى اُمُـوْرِ الدُّنْـيَا وَالدِّيـنِ، اَشْهَـدُ اَنْ لاَاِلَهَ اِلاَّ اللهُ الْمَلِكُ الْحَقُّ الْمُبِيْـنُ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ اْلاَمِيْـنُ، اَللَّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ . اَمَّابَعْـدُ: فَـيَااَيُّـهَا النَّـاسُ اتَّقُـوْ اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. اَللَّـهُمَّ اغْـفِرْ لِلْمُسْلِمِيْـنَ وَالْمُسْـلِمَاتِ وَالْمُؤْمِنِيْـنَ وَالْمُؤْمِنَـاتِ اَلْاَحْياءِ مِنْـهُمْ وَاْلاَمْـوَاتِ، رَبَّنَاأَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ، رَبَّنَا اَفْرِغْ عَلَيْنَا صَبْرًا وَّسَبِّتْ اَقْدَمَنَا وَانْصُرْنَا عَلَى الْقَوْمِ الْكَافِرِيْنَ. رَبَّـنَااَتِـنَافِى الدُّنْـيَا حَسَنَـةً وَفِى اْلاَخِرَةِ حَسَنَـةً وَقِنَاعَـذَابَ الـنَّارِ. وَالْحَمْـدُ للهِ رَبِّ الْعَـالَمِيْـنَ.