Khutbah Jumat Bahasa Sunda, Ciri-ciri Jalma Munafik

NUCOM — Menghadapi orang dengan ciri munafik—berbicara dusta, ingkar janji, dan berkhianat—memerlukan ketenangan, sikap waspada, dan batasan tegas agar tidak merugi, apalagi terpengaruh. Berikut Khutbah Jumat Bahasa Sunda, Ciri-ciri Jalma Munafik.

Adapun cara bijak menghadapi orang munafik kuncinya adalah tidak emosional, tabayun (klarifikasi), dan menjaga jarak aman untuk melindungi diri dari perilaku manipulatif orang munafik.

Mari kita doakan untuk orang munafik yang terbaik dengan penuh harap agar mereka mendapatkan hidayah, berubah menjadi lebih baik. Sementara kita pun perlu berilmu agar terhindar dari penyakit hati (munafik) dengan perbanyak zikir dan tingkatkan kualitas ibadah.

Inilah Khutbah Jumat Bahasa Sunda, Ciri-ciri Jalma Munafik

Khutbah Pertama

الْحَمْدُ لِلّٰهِ الَّذِيْ فَضَّلَنَا عَلٰى كَثِيْرٍ مِّنْ عِبَادِهِ الْمُؤْمِنِيْنَ. اَشْهَـدُ اَنْ لاَاِلَهَ اِلاَّ اللهُ الْمَلِكُ الْحَقُّ الْمُبِيْـنُ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ اْلاَمِيْـنُ، اَللَّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ . اَمَّابَعْـدُ: فَـيَااَيُّـهَا النَّـاسُ اتَّقُـوْ اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ: أَعُوْذُ بِااللّهِ مِنَ الشَّيْطَانِ الرَّجِيْمِ.. بِسْمِ اللهِ الرَّحْمنِ الرَّحِيْمِ. إِنَّ ٱلۡمُنَـٰفِقِینَ یُخَـٰدِعُونَ ٱللَّهَ وَهُوَ خَـٰدِعُهُمۡۚ وَإِذَا قَامُوٓاْ إِلَى ٱلصَّلَوٰةِ قَامُواْ كُسَالَىٰ یُرَآءُونَ ٱلنَّاسَ وَلَا یَذۡكُرُونَ ٱللَّهَ إِلَّا قَلِیلࣰا.

Hadirin Jamaah Jum’ah rohimakumulloh, Khotib wasiat ka diri pribadi sareng ka sadayana, hayu urang sami-sami ngaronjatkeun kaimanan sareng takwa ka Alloh SWT, kalayan ngalakonan sagala rupi paréntah-Na sareng nebihan sagala larangan-Na, sangkan hirup urang aya dina ridho Mantenna.

Jamaah jum’ah anu sami mulya, Dina Al-Qur’an Alloh SWT parantos ngajelaskeun perkawis sipat jalma munafik jeung akibatna, jalma munafik téh katingalina luarna siga anu iman, tapi sabenerna haténa ingkar (teu iman) nipu Alloh. Sakumaha Pidawuhna dina surat An-Nisa ayat 142:

إِنَّ ٱلۡمُنَـٰفِقِینَ یُخَـٰدِعُونَ ٱللَّهَ وَهُوَ خَـٰدِعُهُمۡۚ وَإِذَا قَامُوٓاْ إِلَى ٱلصَّلَوٰةِ قَامُواْ كُسَالَىٰ یُرَآءُونَ ٱلنَّاسَ وَلَا یَذۡكُرُونَ ٱللَّهَ إِلَّا قَلِیلࣰا

Hartosna: “Saenyana jalma-jalma munafik éta nipu ka Alloh, padahal Alloh bakal ngabales tipu daya maranehna. Lamun maranehna nangtung ngadegkeun sholat, maranehna ngalakukeunana kalayan males-malesan, Maranehna ngan saukur rek nembongkeun ka manusa (riya), sarta henteu éling ka Alloh kecuali saeutik pisan.” (an-nisa: 142)

Hadirin anu dimulyakeun ku Alloh, Dina ayat nembe Alloh ngajelaskeun yén sipat-sipat jalma munafik téh nyaéta aya 4:

1. Nipu atanapi bohong ka Alloh, padahal Alloh leuwih nyaho kana haté manusa jeung manehanana bakal tipu deui ku Alloh.

2. Dina ngalakonan sholat males-malesan (hoream), sholat karasana beurat, komo isya jeung subuh mah berat kacida keur jalma munafik mah, sok di tunda tunda, henteu aya ghiroh (sumangat) dina ibadah karasana wegah.

3. Ibadahna Riya’, ibadahna lain karana Alloh, tapi karana manusa, pédah aya pimpinan, dunungan atawa mitoha.

4. Saeutik elingna ka Alloh, henteu resep kana dzikir jeung ngewa kanu dzikir ka Alloh. Kumargi kitu Alloh ka Jalmi nu iman sangkan loba dzikir ka Mantenna.

Sipat Munafik téh kacida pisan bahayana upami aya dina diri urang, sabab jalma munafik téh ku Alloh, digolongkeun kana golongan anu bakal ngameunangkeun siksaan anu paling beurat, nyaéta bakal ditempatkeun di naraka anu panghandapna. Sakumaha pidawuh Alloh dina ayat anu saterasna 145:

اِنَّ الْمُنٰفِقِيْنَ فِى الدَّرْكِ الْاَسْفَلِ مِنَ النَّارِۚ وَلَنْ تَجِدَ لَهُمْ نَصِيْرً

Hartosna: Saenyana jalma jalma munafik bakal disiksa dina panghandapna naraka, jeung manehanana moal bakal meunang pitulung salah saurang ogé. (Annisa: 145)

Ma’asyirol muslimin rohimakumulloh, Teras aya deui sababaraha ciri dina prilakuna nu didugikeun ku kangjeng Rosul SAW, ngeunaan jalma munafik. Dina hadis shohih, pidawuhna:

آيَةُ الْمُنَافِقِ ثَلاَثٌ: إِذَا حَدَّثَ كَذَبَ، وَإِذَا وَعَدَ أَخْلَفَ، وَإِذَا اؤْتُمِنَ خَانَ

Hartosna: “Tanda tanda jalma munafik téh nyaéta aya tilu: Lamun ngomong sok bohong, lamun jangji sok mungkir, sarta lamun dipercaya sok khianat.”

Ku hal sakitu, hayu urang tebihan sipat sipat nifak (kamunafikan), boh dina ibadah ka Alloh atanapi dina kahirupan sapopoé jeung papada manusa. Urang kudu iman anu bener, giat kana sholat, ibadah sing ikhlas, loba dzikir ka Alloh, luyu lambé haté jeung gawé.

Mugia urang sadaya ditebihkeun ku Alloh tina sipat-sipat munafik, sarta dipaparin kasucian jiwa, istokomah dina iman jeung takwa ka Mantenna, sareng ahir hayatna urang dipaparin husnul khotimah.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَالْغَفُوْرُالرَّحِيْمُ

Khutbah Kadua

اَلْحَمْدُ للهِ الَّذِىْ اَمَرَنَا بِكَثْرَةِ ذِكْرِاللهِ وَامْتِثَالِ اَوَامِرِ اللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّاللهُ وَحْدَهُ لاَشَرِيْكَ لَهُ, وَاَشْهَدُ اَنَّ سَيِّدَنَا حَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍنِابْنِ عَبْدِ اللهِ وَعَلَى اَلِهِ وَاَصَحَابِهِ. اَمَّابَعْدُ: فَيَاعِبَادَاللهِ, اِتَّقُواللهَ حَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللَّهُمَّ اغْفِرْلِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِمِنْهُمْ وَاْلاَمْوَاتِ. رَبَّنَاأَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ، رَبَّنَا اَفْرِغْ عَلَيْنَا صَبْرًا وَّسَبِّتْ اَقْدَمَنَا وَانْصُرْنَا عَلَى الْقَوْمِ الْكَافِرِيْنَ رَبَّنَا اَتِنَا فِى الدُّنيَا حَسَنَةً وَّفى اْلاَخِرَةِ حَسَنَةً وَّقِنَاعَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ