Khutbah Jumat Bahasa Sunda, Taun Enggal, Tingkatken Syukur jeung Istiqomah Dina Ibadah

NU Cilacap Online — Di tahun yang baru, meningkatkan rasa syukur (syukur), menjaga konsistensi (istiqomah), dan memperbanyak ibadah adalah tujuan mulia yang dapat dicapai melalui berbagai upaya, baik secara personal maupun komunal, oleh karenanya NUCOM kali ini ketengahkan Khutbah Jumat Bahasa Sunda, Taun Enggal, Tingkatken Syukur jeung Istiqomah Dina Ibadah.

Semoga di tahun ini, kita semua diberikan kemampuan untuk lebih bersyukur dan istiqomah dalam menjalankan ibadah. Salam..

Khutbah ka I

اَلْحَمْدُ ِللّٰهِ. اَلْحَمْدُ لِلّٰهِ الَّذِيْ خَلَقَ الْإِنْسَانَ فِيْ أَحْسَنِ تَقْوِيْمٍ. أَشْهَدُ أَنْ لَآ اِلٰهَ إِلَّا اللهُ الْعَظِيْمُ الْكَرِيْمُ. وَأَشْهَدُ أَنَّ سَيِّدَنَا وَحَبِيْبَنَا مُحَمَّدًا عَبْدُهُ وَرَسُوْلُهُ الَّذِيْ كُنِّيَ بِأَبِى الْقَاسِمِ. اَللّٰهُمَّ صَلِّ وَسَلِّمْ وَبَارِكْ عَلٰى سَيِّدِنَا مُحَمَّدٍ وَعَلٰى اٰلِهِ وَأَصْحَابِهِ أَجْمَعِيْنَ. أَمَّا بَعْدُ: فَيَاأَيُّهَا الْحَاضِرُوْنَ، اِتَّقُوا اللهَ حَقَّ تُقَاتِهِ وَلَا تَمُوْتُنَّ اِلَّا وَأَنْتُمْ مُسْلِمُوْنَ. قَالَ اللهُ تَعَالَى فِي الْقُرْاٰنِ الْعَظِيْمِ: أَعُوْذُ بِاللهِ مِنَ الشَّيْطَانِ الرَّجِيْمِ, بِسْمِ اللهِ الرَّحْمٰنِ الرَّحِيْمِ. يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَلۡتَنظُرۡ نَفۡسٞ مَّا قَدَّمَتۡ لِغَدٖۖ وَٱتَّقُواْ ٱللَّهَۚ إِنَّ ٱللَّهَ خَبِيرُۢ بِمَا تَعۡمَلُونَ .

Hadirin Jamaah Jum’ah Rahimakumulloh,  Sadayana puji miwah syukur kalayan disarengan ku tafakur sareng tadzakur urang sanggakeun ka dzat Alloh robbun gofur, anu parantos maparinan nikmat sareng panjang umur. Sahingga urang sadaya ayeuna didugikeun ku Alloh dina taun enggal dei. Bikauli Alhamdulillah, ulah hilap sami kedah disyukuran ku urang sadaya, Taun Enggal, Tingkatken Syukur jeung Istiqamah Dina Ibadah.

Rohmat sareng kawilujengan mugi salamina didugikeun ka jungjunan urang Kangjeng Nabi Muhammad Sholallohu ‘alaihi wasallam., anu janten rohmat kasadaya alam.

Hadirin Jamaah Jum’ah anu Sami Mulya,  Alloh ngadawuh dina al-Qur’an suroh al-Hasr ayat 18 anu unggelna:

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَلۡتَنظُرۡ نَفۡسٞ مَّا قَدَّمَتۡ لِغَدٖۖ وَٱتَّقُواْ ٱللَّهَۚ إِنَّ ٱللَّهَ خَبِيرُۢ بِمَا تَعۡمَلُونَ

Hartosna: Yeuh Jalma-jalma nu iman! Kudu taqwa aranjeun ka Alloh sarta saban jalma kudu nengetan diri kana naon anu geus dilakonan pikeun jaga, jeung kudu taqwa anjeun ka Alloh, saenyana Alloh maha uninga kana sanes kanten anu parantos dipilampah ku anjeun. (al-Hasr: 18)

Ayat nembé, mangrupikeun tanbih (pangeling-ngeling) ogé paréntah Alloh ka jalmi-jalmi nu iman, sangkan takwa ka Mantenna sareng nalungtik diri kana padamelan anu parantos dipilampah kanggo tahun, sasih, sarta dinten anu bakal kasorang ku urang.

Teu karaos yuswa urang sadayana nambihan sataun deui, hakékatna yuswa urang dikirangan, tegesna jatah hirup urang di alam dunya ieu dikirangan. Pelajaran anu saé kanggo urang sadayana tina perjalanan waktu ieu nyaéta urang kedah emut, ogé evaluasi (nalungtik diri) atanapi merhatoskeun amal urang anu parantos dipilampah dina taun kapengker.

Margi satiap tahun, bulan, minggu, dinten, jam, menit bahkan detik éta téh bakal di suhunkeun pertanggung jawaban dipayuneun Alloh S.W.T., dianggo kanggo naon umur urang téh salami hirup di alam dunya ieu.

Hadirin Jamaah Jum’ah anu Mulya,  Paréntah nalungtik diri sareng takwa ka Alloh téh disarengan ku larangan (panyarekna) nyaéta ulah jadi jalma nu poho (teu eling) ka Alloh SWT. Sakumaha pidawuhna:

وَلَا تَكُوْنُوْا كَالَّذِيْنَ نَسُوا اللّٰهَ فَاَنْسٰىهُمْ اَنْفُسَهُمْۗ اُولٰۤىِٕكَ هُمُ الْفٰسِقُوْنَ

Hartosna: “Jeung anjeun ulah saperti jalma-jalma nu poho ka Alloh sahingga Alloh ngajadikeun maranehanana poho ka dirina sorangan. Maranehna teh nyaeta jalma-jalma nu fasik.” ( al-Hasyr: 19)

Ayat nembé numutkeun Ibnu Hibban: “jalma-jalma nu ninggalkeun paréntah Alloh, sahingga Alloh bakal ngajadikeun maranéhna poho kana migawe kaalusan keur diri maranehanana sorangan. Maranehna jadi poho kana ibadah, poho nyieun kahadéan kasasama, poho nyiapkeun bekel keur akherat.”

Teras upami numutkeun Syeikh Ibnu Katsir anjeun ngajelaskeun dina kitabna: “anjeun ulah poho ka Alloh sahingga Alloh bakal ngajadikan aranjeun poho ngeunaan amal pikeun kapentingan dirina sorangan jeung anu manfaat pikeun kahirupan di akherat jaga.”

Sahingga Alloh nyebat maranehanana teh nyaeta jalma-jalma nu fasik”. Tegesna, maranehanana teh nyaeta jalma-jalma anu henteu taat ka Alloh SWT, maranehanana jalma-jalma anu cilaka jeung bakal rugi di akhirat.

Hadirin Jamaah Jum’ah Rahimakumulloh, Tina penjelasan nembé, parantos eces jentré jelas pisan. Yén salah sawios sabab hiji jalma loba ngalakukeun maksiat jeung poho migawe amal kahadéan pikeun bekal di akhirat nyaéta, sabab maranéhna poho ka Alloh, henteu resep kana dzikir jeung ninggalkeun paréntah-Na. Kumargi kitu, jalmi anu hoyong kenging rohmat Alloh tur seueur amal kasaéan kanggo bekel di akherat jaga, maka kedah seueur midamel amal sholeh ogé tobat ka Alloh kalayan seueur dzikir ka Alloh subhanahu wata’ala.

Mudah-mudahan di taun enggal ieu urang sadaya dipasihan kabarokahan ku Alloh Subhanahu wata’ala, sahingga urang sadaya digampilkeun dina milampah amal kasaean kanggo ngahontal kabagjaan dunya rawuh akherat.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَالْغَفُوْرُالرَّحِيْمُ

Khutbah Ka II

اَلْحَمْدُ للهِ الَّذِىْ اَمَرَنَا بِكَثْرَةِ ذِكْرِاللهِ وَامْتِثَالِ اَوَامِرِاللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّاللهُ وَحْدَهُ لاَشَرِيْكَ لَهُ, وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍ وَّعَلَى اَلِهِ وَاَصَحَابِهِ. اَمَّابَعْدُ: فَيَاعِبَادَاللهِ, اِتَّقُوا اللهَ حَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَاْلاَمْوَاتِ. اَللَّهُمَّ نَسْأَلُكَ خَيْرَ مَا فِيْ هَذَا الْيَوْمِ وَخَيْرَ مَا بَعْدَهُ، وَأَعُوْذُ بِكَ مِنْ شَرِّ مَا فِيْ هَذَا الْيَوْمِ وَشَرِّ مَا بَعْدَهُ، رَبِّ أَعُوْذُ بِكَ مِنَ الْكَسَلِ وَسُوْءِ الْكِبَرِ، رَبِّ نَعُوْذُ بِكَ مِنْ عَذَابٍ فِي النَّارِ وَعَذَابٍ فِي الْقَبْرِ. رَبَّنَا اَتِنَا فِى الدُّنيَا حَسَنَةً وَّ فى اْلاَخِرَةِ حَسَنَةً وَّقِنَا عَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ