Khutbah Jumat Bahasa Sunda, Kiyamat, Poe Nu Dipikasien Manusa

NUCOM — Pada hari Kiamat manusia ketakutan karena tidak ada yang bisa menolong, dan tidak dapat menyelamatkan diri kecuali amalnya. Inilah Khutbah Jumat Bahasa Sunda, Kiyamat, Poe Nu Dipikasien Manusa.

Adapun Kiamat terbagi menjadi dua jenis yang menjadi renungan dan ketakutan manusia, yakni Kiamat Sugra (kiamat kecil) dan Kiamat Kubra (kiamat besar). Keduanya merupakan pengingat akan batas kehidupan dunia dan pertanggungjawaban amal.

Kiamat sugra bersifat pasti terjadi pada setiap individu (bencana, kematian), sedangkan kiamat kubra dirahasiakan waktunya oleh Allah SWT.
Berikut ini Khutbah Jumat Bahasa Sunda, Qiyamat, Poe Nu Dipikasien Manusa.

Khutbah Pertama

اَلْحَمْدُ للهِ الَّذِيْ هَدَانَا لِهَدَا وَمَاكُنَّا لِنَهْتَدِيَ لَوْ لاَ اَنْ هَدَانَا اللهُ. اَشْهَدُ اَنْ لاَ اِلَهَ اِلاَّ اللهُ وَحْدَهُ لاَ شَرِيْكَ لَهُ, وَاَشْهَدُ اَنَّ مُحَمَّدًا عَبْدُهُ وَرَسُوْلُهُ لاَنَبِيَ بَعْدَهُ. اَللَّـهُمَّ فَصَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ وَالتَابِعِيْنَ, وَتَابِعِ التَابِعِيْنَ اِلَى يَوْمِ القِيَامَةِ. فَيَـااَيُّـهَااْلحَاضِرُوْنَ, اِتَّقُوْا اللهَ حَيْثُمَا كُنْتُمْ وَاِنَّ اْلجَنَّـةَ اُعِـدَّتْ لِلْمُتَّقِيْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ، أَعُوْذُ بِااللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمَنِ الرَّحِيْمِ . وَاتَّقُوا يَوْمًا لَّا تَجْزِي نَفْسٌ عَن نَّفْسٍ شَيْئًا وَلَا يُقْبَلُ مِنْهَا شَفَاعَةٌ وَلَا يُؤْخَذُ مِنْهَا عَدْلٌ وَلَا هُمْ يُنصَرُونَ

Hadirin jamaah Jum’ah rohimakumulloh,
Dina kasempetan ieu, khotib baris ngemutan ngeunaan hiji ayat anu penting pisan, nyaéta qiyamat, poé nu dipikasien manusa, pidawuh Alloh dina Surat Al-Baqoroh ayat 48:

وَاتَّقُوا يَوْمًا لَّا تَجْزِي نَفْسٌ عَن نَّفْسٍ شَيْئًا وَلَا يُقْبَلُ مِنْهَا شَفَاعَةٌ وَلَا يُؤْخَذُ مِنْهَا عَدْلٌ وَلَا هُمْ يُنصَرُونَ

Hartosna: “Jeung kudu sieun aranjeun kana hiji poé nyaéta kiamat, anu dina éta poé teu aya hiji jiwa anu bisa nulungan jiwa séjén saeutik ogé, teu ditarima syafa’at, teu ditarima tebusan, jeung maranehna teu bakal meunang pitulung.” (Al Baqoroh: 48)

Jamaah anu dimulyakeun ku Alloh,
Ayat nembé ngemutan ka urang sadaya, sangkan sadar yèn dina poé kiamat, unggal jalmi bakal nanggung jawab amalna masing masing.

Moal aya kolot anu bisa nulungan anakna, moal aya sobat anu bisa nyalametkeun sobatna, komo deui harta banda anu salila ieu urang kumpulkeun jeung di banggakeun.

Ayat nembe ogè mangrupikeun peringatan anu kacida tegasna pikeun sakabeh manusa, yén sagala rupa syafa’at moal aya gunana lamun henteu aya izin ti Alloh.

Nyakitu deui tebusan naon waé moal bisa ngaganti dosa lamun henteu dibarengan ku iman jeung amal sholeh.

Kumargi kitu, urang kedah nyiapkeun diri tiayeuna. Ulah dugi ka urang kagoda ku kahirupan dunya anu ngan saukur samentara. Kedah émut yén kahirupan anu langgeng téh nyaéta akherat.

Hadirin rohimakumulloh,
Salah sahiji bekel anu pang pentingna nyaéta amal sholeh sapertos: sholat, zakat, puasa, haji, jeung amal kasaénan silaturahmi, anu kasebut ibadah kurban, sedekah, infaq, jeung ibadah sosial anu sanesna.

Nabi Muhammad Sholallohu alaihi wasalam ngadawuh:

اَلْكَيِّسُ مَنْ دَانَ نَفْسَهُ وَعَمِلَ لِمَا بَعْدَ الْمَوْتِ

Hartosna: “Jalmi anu pinter téh nyaéta, jalmi anu tiasa ngendalikeun dirina sareng ngalakukeun amal kasaénan kanggo kahirupan saparantos maot.” (HR. Tirmidzi)

Jamaah Jum’ah anu sami mulya,
Ku hal sakitu kitu, hayu urang sami-sami nyiapkeun diri ku amal sholeh. Ulah ngandelkeun batur dina urusan akherat, Harta jeung kedudukan moal aya gunana upami teu digunakeun di jalan Alloh. Urang kedah seueur istighfar, loba amal kahadéan, sarta ngajauhan pagawéan anu teu kaharti jeung dosa.

Mugia urang sadaya kalebet kana golongan jalmi anu salawasna émut kana dintenan kiamat sareng nyiapkeun bekel kanggo éta dinten.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُؤْمِنِيْـنَ وَالْمُحْسِنِيْنَ اِنَّهُ هُوَالْغَفُوْرُالرَّحِيْمُ

Khutbah Kadua

اَلْحَمْدُ للهِ الَّذِىْ اَمَرَنَابِكَثْرَةِ ذِكْرِ اللهِ وَامْتِثَالِ اَوَامِرِ اللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّ اللهُ وَحْدَهُ لاَشَرِيْكَ لَهُ ,وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍ وَّعَلَى اَلِهِ وَاَصَحَابِهِ. اَمَّا بَعْدُ: فَيَا عِبَادَ اللهِ, اِتَّقُوا االله َحَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَاْلاَمْوَاتِ. رَبَّنَا أَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ.رَبَّنَاأَفْرِغْ عَلَيْنَاصَبْرًاوَثَبِّتْ أَقْدَامَنَاوَانْصُرْنَاعَلَى الْقَوْمِ الْكَافِرِينَ. رَبَّنَا اَتِنَا فِى الدُّنيَا حَسَنَةً وَّفىِ اْلاَخِرَةِ حَسَنَةًوَّقِنَاعَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ .