Khutbah Jumat Sunda, Jalma Anu Mahabbah Ka Allah SWT

NU CILACAP ONLINE – Islam mengenalkan konsep mahabbah sebagai bentuk kecintaan seorang hamba kepada penciptanya, karenanya Khutbah Jumat Bahasa Sunda kali ini berjudul Jalma Anu Mahabbah Ka Allah SWT.

Mahabbah yang berarti mencintai secara mendalam atau kecintaan yang mendalam ini bermuasal dari kata ahabba-yuhibbu-mahabbatan. Maka sejatinya mahabbah ini mengajarkan manusia akan rasa cinta kepada Allah SWT dan makhluk-Nya.

Dengan mahabbah sungguh-sungguh, manusia akan meraih ridha Allah Ta’ala dan mendapat tempat ke dalam surga-Nya.

Berikut ini naskah Khutbah Jumat Bahasa Sunda Ciri Jalma Anu Mahabbah Ka Allah Ta’ala.

Khutbah Pertama

اَلْحَمْدُ للهِ الَّذِيْ هَدَانَا لِهَذَا وَمَاكُنَّا لِنَهْتَدِيَ لَوْ لاَ اَنْ هَدَانَا اللهُ

اَشْهَدُ اَنْ لاَّ اِلَهَ اِلاَّ اللهُ وَحْدَهُ لاَ شَرِيْكَ لَهُ. وَاَشْهَدُ اَنَّ مُحَمَّدًا عَبْدُهُ وَرَسُوْلُهُ لاَنَبِيَ بَعْدَهُ.

اَللَّـهُمَّ فَصَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ وَالتَّابِعِيْنَ وَتَابِعِ التَّابِعِيْنَ اِلَى يَوْمِ القِيَامَةِ. اَمَّابَعْدُ : فَيَـااَيُّـهَااْلحَاضِرُوْنَ, اِتَّقُوْاالله َحَيْثُمَا كُنْتُمْ وَاِنَّ اْلجَنَّـةَ اُعِـدَّتْ لِلْمُتَّقِيْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ، أَعُوْذُ بِااللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمنِ الرَّحِيْمِ .وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ

Hadirin Sidang Jumat Rahimakumullah,
Ngalangkungan khutbah nu ayeuna, tina mimbar anu mulya, Khatib Wasiat sinareng ngajak ka sadayana, sumangga urang sasarengan ningkatkeun kaimanan sareng katakwaan urang sadaya ka Allah SWT.

Margi ku jalan takwa urang tiasa salamet dunya akherat, ku jalan takwa urang dipandang mulia dipayuneun Allah, jalma pangmulyana dipayuneun Allah, sanes anu pangbeungharna di alam dunia.

Jalma anu pangmulyana dipayuneun Allah sanes anu pangluhur-luhurna dina jabatanana, jalma nu pangmulyana dipayuneun Allah nyaéta jalmi anu pang takwana.

Hadirin Sidang Jum’at anu Mulya,
Urang ulah kajongjonan, sakumaha betahna hirup di alam dunya urang bakal maot lain ngan saukur jasad bilatungan tapi bakal balitungan amal di akherat.

Ngalangkungan surat Adz-Dzariyat, Allah Ta’ala parantos ngadawuh:

وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ

Hartosna, “Teu pati-pati Kaula nyiptakeun jin jeung manusia anging supaya ibadah ka Kaula,” (Adz-Dzariyat ayat 56).

Ibnu Abbas parantos nafsirkeun, sakumaha anu parantos dikutip ku Imam al-Qusyairi, kalimat illa liya’budun dina éta ayat maksudna nyaéta illa liya’rifun. Hartosna ‘kacuali supaya ma’rifat ka Kaula (Allah).

Hal ieu loyog sareng anu diuningakeun ku para ulama tauhid yen kawajiban munggaran keur jalma muslim teu aya deui nyaeta ma’rifat ka pangerananana, nyaeta Alloh Subhanahu wata’ala.

Sabab, moal sampurna ibadah ka Allah upami teu ma’rifat ka Mantenna, naha ma’rifat kana dzat-Na, ma’rifat kana sifat-sifat-Na, ma’rifat kana padamelan-padamelan-Nana.

Salajengna ku Syekh Nawawi njelaskeun yen makna ma’rifat ka Allah sanes ukur uninga, nanging kedah nekadkeun jeung ngayakinkeun.

Sanes kanten ti eta, saur Syekh Nawawi, hiji jalmi moal dugi kana tingkatan ma’rifat, nekadkeun, sareng ngayakinkeun ka Allah salami teu acan tiasa mahabbah atanapi cinta ka Allah.

Ari cinta ka Allah éta ngagaduhan makna atanapi tanda anu kedah ngancik dina haté jalmi nu hoyong ma’rifat, di antawisna nyaéta:

Kahiji, nekadkeun yén Allah téh Maha Sae sareng Maha Terpuji dina sagala widang sareng dina sagala sifat-Na.

Hartosna teu aya anu awon sagala rupi anu dongkap ti Allah. Sakalieun aya perkara anu katingal awon, éta mah mungguh paningal urang sareng paningal makhlukna. Margi upami dititenan leres-leres mah sagala papasten Allah pasti aya hikmah anu saéna.

Contona nalika urang dipaparin panyawat. Eta panyawat tangtosna katingal ku urang mah janten susah sareng pilara.

Nanging sing émut hikmah Allah berjalan dina éta panyawat. Naha sapertos kumaha? Nalika urang teu damang teh, urang kedah emut dawuhan Kangjeng Rasul, yen panyawat bakal janten kafarot atanapi tetebus kana dosa urang salaku jalma anu ngarandapannana.

Matak teu damang ogé, saur para ulama, dina diri urang téh aya dosa anu moal dihampura anging kudu ditibanan ku panyawat, teras panyawat teh janten ujian kaimanan jeung kasobaran keur urang.

Kadua, ciri jalma anu cinta ka Allah téh nekodkeun yén Allah maha saé ka sadaya hamba-Na, maha maparin nikmat, maha ngunggulkeun hamba-hamba-Na.

Hartosna, kedah diyakinkeun dina haté yen Allah maha saé ka sadayana hamba-Na, badé hamba anu bageur atanapi anu henteu.

Allah maha berehan ka sadaya hamba-Na, badé hamba anu taat atanapi anu henteu.

Katilu, nekadkeun yén kasaéan Allah ka hiji hamba-Na langkung seueur sareng langkung agung saupamina dibandingkeun sareng syukur ogé amal si hamba sanaos amal éta hamba teh kacida saé sareng seueurna.

Kaopat, nékadkeun yén papastén sareng pamrih Allah hanteu seueur alias saalit.

Ngalangkungan makna nu katilu sareng kaopat ieu, urang sakedahna yakin yén papastén Allah sareng pamrih ibadah-Na anu dipasihkeun ka urang téh saalit, pabandingan sareng melimpahna nikmat-nikmat anu dikucurkeun ku Mantenna ka urang.

Mangga urang sami-sami tafakuran ku urang. Dina sapoe sapeuting, ukur lima waktu Mantenna ngawajibkeun shalat kanggo urang.

Upami diperhétangkeun sakali shalat urang 5 menit, ukur 25 menit nu dianggo shalat ku urang tina total 24 jam teh. Waktos anu kalintang saalitna.

Matak upami badé ngamaksimalkeun waktos, saur Imam al-Ghazali, urang kedah ngabagi tilu waktos urang. Sabagian kanggo kasab, sabagian kanggo ibadah, sabagian deui kanggo istirahat.

Lamun diémutan mah, urang kalintang isinna ku Allah. Anjeuna mah maparin nikmat teu lirén-lirén ka urang, malah moal tiasa diétang saur dina Al-Quran, tapi sawalérna, urang kacida talangkena dina ngajalankeun ibadah ka Mantenna.

Kalima, kaseuseueuran waktuna dianggo sieun jeung melang lamun Allah méléngos tina dirina, ogé sieun kama’rifatan sareng katauhidan anu parantos dipasihkeun ka dirina dicabut.

Memang kitu pisan keur jalma nu tos aya dina tingkatan cinta atanapi mahabbah ka Allah. Dirina sieun pisan ku Allah. Sieun dibendu ku Allah. Sieun dikaluarkeun tina kama’rifatan sareng katauhidan ka Allah.

Ku hal sakitu, anjeuna sapapaosna waspada bisi kaluar tina paréntah Allah sareng ngareumpak panyegah Allah.

Tina dirina bakal salawasna kaluar sifat takwa kanu Maha Kawasa.

Salamina moal gagabah dina tingkah lakuna. Sareng deui moal baha kana sagala nu diparéntah ku Allah sareng rasul-Na sanajan midamel ibadah anu sunah pangkatna.

Mudah-mudahan urang kalebetkeun jalmi anu mahabbah tur ma’rifat ka Allah. Anu baris berhasil ngengingkeun ridha sareng kanikmatan surga-Na ti yaumil jaza’. Amin ya robbal alamin.

بَارَكَ اللهُ لِيْ وَلَكُمْ بِاْلاَيَاتِ وَالذِّكْرِالْحَكِيْمْ وَتَقَبَّلَ مِنِّى وَمِنْكُمْ تِلَاوَتَهُ اِنَّهُ هُوَالسَّمِيْعُ الْعَلِيْمُ

Khutbah Kadua

اَلْحَمْدُ للهِ الَّذِىْ اَمَرَنَابِكَثْرَةِ ذِكْرِ اللهِ وَامْتِثَالِ اَوَامِرِ اللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّ اللهُ وَحْدَهُ لاَشَرِيْكَ لَهُ ,وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍ وَّعَلَى اَلِهِ وَاَصَحَابِهِ. اَمَّا بَعْدُ: فَيَا عِبَادَ اللهِ, اِتَّقُوا االله َحَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ.

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَاْلاَمْوَاتِ. رَبَّنَا أَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ، .رَبَّنَا أَفْرِغْ عَلَيْنَاصَبْرًا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ. رَبَّنَا اَتِنَا فِى الدُّنيَا حَسَنَةً وَّفىِ اْلاَخِرَةِ حَسَنَةًوَّقِنَاعَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ

Demikian Khutbah Jumat Bahasa Sunda berjudul Ciri Jalma Anu Mahabbah Ka Allah Ta’ala disusun Jamal Shidiq Panyalaras bahasa Imam Hamidi Antassalam.