Khutbah Jumat Bahasa Sunda, Fadhilah Ibadah Haji

NUCOM – Ibadah haji memiliki keutamaan besar, terutama haji mabrur yang balasannya adalah surga, penghapus dosa-dosa terdahulu, serta merupakan salah satu jihad terbaik di jalan Allah. Inilah Khutbah Jumat Bahasa Sunda, Fadhilah Ibadah Haji.

Haji juga menjadi tamu Allah yang doanya mustajab dan menghilangkan kefakiran, serta menjadi amalan paling afdhal setelah iman kepada Alllah dan Rasulnya.

Ibadah haji juga melatih kesabaran, meningkatkan ketaqwaan, dan mempererat tali persaudaraan sesama Muslim.

Haji yang mabrur tidak bercampur dengan dosa dan dilakukan dengan ikhlas serta mengikuti tuntunan Nabi SAW. Berikut ini Khutbah Jumat Bahasa Sunda. Fadhilah Ibadah Haji.

Khutbah Pertama

اَلْحَمْدُ للهِ وَحْدَهُ صَدَقَ وَعْدَهُ وَنَصَرَ عَبْدَهُ وَاَعَزَّ جُنْدَهُ وَهَزَمَ اْلاَحَزَابَ وَحْدَهُ. اَشْهَدُ اَنْ لاَّاِلَهَ اِلاَّاللهُ وَحْدَهُ لاَشَرِيْكَ لَهُ وَلاَ نَعْبُدُ اِلاَّ اِيَاهُ. وَاَشْهَدُ اَنَّ مُحَمَّدً عَبْدَهُ وَرَسُوْلُهُ لاَنَبِيَّ بَعْدَهُ. اَللَّهُمَّ صَلِّى وَسَلِّمْ عَلَى سَيِّدِنَا مُحَمَّدٍ وَعَلَى اَلِهِ وَصَحْبِهِ وَمَنْ وَّالاَهُ. اَمَّابَعْدُ: فَيَاعِبَادَاللهِ ,اِتَّقُواالله َ حَقَّ تُقَاتِهِ وَلاَتَمُوْتُنَّ اِلاَّ وَاَنْتُمْ مُسْلِمُوْنَ. وَقَالَ اللهُ تَعَالَى فِى كِتَابِهِ الْكَرِيْمِ: اَعُوْذُبِاللهِ مِنَ الشَّيْطَانِ الرَّجِيْمِ. وَاَذِّنْ فِى النَّاسِ بِالْحَجِّ يَأْتُوْكَ رِجَالًا وَّعَلٰى كُلِّ ضَامِرٍ يَّأْتِيْنَ مِنْ كُلِّ فَجٍّ عَمِيْقٍۙ .

Hadirin jamaah jum’ah rohimakumulloh,

Dina sasih Dzulhijjah (sasih haji), aya sababaraha ibadah khusus, boh nu wajib boh nu sunatna. ieu ibadah téh moal kapendak dina sasih-sasih anu sanesna.

Diantawisna nya éta ibadah haji. Hiji kawajiban ti Alloh, anu ditibankeun mung ukur sakali dina sapanjang yuswa.

Kitu ogé khusus kanggo jalmi anu nishob. Utamina upami ti nagari urang mah kapan badé ngalaksanakeun ibadah haji téh, sakitu tebihna, Tangtos ongkosna ogé awis kacida, dugi ka puluhan juta, bari ayeuna mah ngantrina lami dina angkatna sareng deui dikirangan tahun ayeuna mah kuotana.

Nanging geuning sumanget pangabdian ka Alloh mah, teu kahalangan ku awis ongkosna, ku lami ngantrina.

Buktosna ummat Islam anu hoyong ngalaksanakeun ibadah haji, ti taun ka taun téh sanes ngirangan, nanging teras-terasan nambihan.

Dugi ka sok sanaos parantos sayogi ongkosna ogé, ayeuna mah kedah sabar ngantosan giliran. Ieu hiji tawis, yén sumanget ibadah téh masih ngagedur. Ogé janten tawis kana leresna Al-Qur’an. Sakumaha pidawuh Alloh Swt:

وَاَذِّنْ فِى النَّاسِ بِالْحَجِّ يَأْتُوْكَ رِجَالًا وَّعَلٰى كُلِّ ضَامِرٍ يَّأْتِيْنَ مِنْ كُلِّ فَجٍّ عَمِيْقٍۙ

Hartosna: “Sareng ajak ku anjeun jalmi-jalmi supados ngalaksanakeun haji, tanwandé aranjeuna bakal sarumping ka anjeun laulempang, sareng narunggang onta-onta baregang sareng jul-jol sarumping ti tempat anu tarebih.” (QS. Al Hajj: 27)

Hadirin jamaah jum’ah rohimakumulloh,

Ibadah haji téh ngagaduhan hikmah anu agung, di antawisna nyaéta tiasa janten tempat silaturrohmi ummat sa-alam dunya.

Di dinya urang baris ditepangkeun sareng baraya-baraya anu sa-iman, ti sajagat raya. Ngagaduhan rasa anu sami. Tujuan hirup anu sami. Prakprakan ibadah anu sami. Teu aya lian mung hoyong ngahontal ridho Alloh, meredih salamet lahir batin dunya rawuh akherat. Turta gaduh panyileukan, seja ngahontal hajji anu mabrur. Wireh nampi embaran ti Rosululloh:

حَجَّةٌ مَبْرُوْرَةٌ خَيْرٌ مِّنَ الدُّنْيَا وَمَا فِيْهَا وَحَجَّةٌ مَّبْرُوْرَةٌ لَّيْسَ لَهَاجَزَاءٌ اِلاَّ الْجَنَّةُ

Hartosna: “Hajji anu mabrur téh langkung saé batan dunya sareng sadaya eusina. Hajji anu mabrur teu aya deui wawalesna lintang surga.” (HR. Bukhori & Muslim)

Hadirin jamaah jum’ah rohimakumulloh

Tangtos, kanggo ngamabrurkeun hajji téh, meryogikeun proses. Baris dipayunkeun kana sanes kanten ujian. Ngagembleng jiwa raga, dugi ka tiasa ngajanggelek tangtungan anu leubeut ku kasaénan. Ngaronjatkeun akhlaq ti nu saé ka nu langkung saéna deui. Ngarobih ucap sinareng lampah, anu teu acan sapagodos sareng tungtunan Nabi. Pami nu sok rajeun melid ka Masjid, robih janten getol malih ngaluluguan ka Masjid, ulah dugi ka mulih haji kenging tetil haji dul majid. Nu kawitna judes seneng ngunek-ngunek, janten jembar panghapuntenna. Berehan nyingkahkeun sipat koretna. Nu songong kasar garihal, janten seneng lemah lembut.

Hormat ka saluhureun, nyaah ka nu sahandapeun, akur sareng sasama, welas asih ka nu miskin. Jembar dada tiasa ngajenan kana pamadegan batur. Kitu watekning haji nu kebek ku kasaénan, mabrur téa pibasaeunana.

Mugi urang sadaya tiasa ngajagi kamabruran sadaya ibadah urang ku cara ningkatkeun amal ibadah anu langkung saé khususna ibadah haji.

   بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ والْمُسْلِمَاتِ اِنَّهُ هُوَالْغَفُوْرُالرَّحِيْمُ

Khutbah Kadua

اَلْحَمْدُ للهِ الَّذِىْ اَمَرَنَابِكَثْرَةِ ذِكْرِاللهِ وَامْتِثَالِ اَوَامِرِاللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّاللهُ وَحْدَهُ لاَشَرِيْكَ لَهُ, وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍنِابْنِ عَبْدِاللهِ وَعَلَى اَلِهِ وَاَصَحَابِهِ. اَمَّا بَعْدُ: فَيَاعِبَادَاللهِ, اِتَّقُواللهَ حَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَاْلاَمْوَاتِ. رَبَّنَااَمَنَّابِمَااَنْزَلْتَ وَاتَّبَعْنَا الرَّسُوْلَ فَاكْتُبْنَا مَعَ الشَّاهِدِيْنَ. رَبَّنَا تَقَبَّلْ مِنَّا اِنَّكَ اَنْتَ السّمِيْعُ الْعَلِيْمُ. وَتُبْ عَلَيْنَا اِنَّكَ اَنْتَ التَّوَّابُ الرَّحِيْمُ. رَبَّنَا اَتِنَا فِى الدُّنيَا حَسَنَةً وَّفىِ اْلاَخِرَةِ حَسَنَةً وَّقِنَا عَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ