Khutbah Jumat Bahasa Sunda, Jiwa Nu Bakal Balik Ka Alloh

NUCOM — Allah Swt tidak memanggil: Wahai orang yang banyak hartanya, tidak juga: Wahai orang yang tinggi pangkatnya. Tetapi Allah menyeru: Wahai jiwa yang tenang. Inilah Khutbah Jumat Bahasa Sunda, Jiwa Nu Bakal Balik Ka Alloh.

Maka demikian berati bahwa ukuran kemuliaan di sisi Allah bukan karena jabatan, bukan pula karena kekayaan, melainkan karena kebersihan hati sehingga hati menjadi tenang.

Nafsul muthma’innah adalah jiwa yang yakin akan janji Allah, tenteram dengan zikir, istiqomah dalam beribadah, serta tidak tergoda oleh gemerlapnya dunia.

Khutbah Pertama

الْحَمْدُ لِلّٰهِ الَّذِيْ فَضَّلَنَا عَلٰى كَثِيْرٍ مِّنْ عِبَادِهِ الْمُؤْمِنِيْنَ, اَشْهَدُ اَنْ لاَّاِلَهَ اِلاَّاللهُ الْمَلِكُ الْحَقُّ الْمُبِيْنُ, وَاًشْهَدُ اَنَّ مُحَمَّدًا عَبْدُهُ وَرَسُوْلُهُ صَادِقُ الْوَعْدِاْلاَمِيْنُ, اَللَّهُمَّ فَصَلِّى وَسَلِّمْ عَلَى سَيِّدِ اْلاَنْبِيَاءِ وَالْمُرْسَلِيْنَ, وَعَلَى اَلِهِ وَصَحْبِهِ اَجْمَعِيْنَ. اَمَّابَعْدُ: فَيَااَيُّهَاالنَّاسُ اِتَّقُواللهَ حَقَّ تُقَاتِهِ وَلاَ تَمُوْتُنَّ اِلاَّ وَاَنْتُمْ مُسْلِمُوْنَ. اَعُوْذُبِااللهِ مِنَ الشَّيْطَانِ الرَّجِيْمِ, بِسْمِ اللهِ الرَّحْمنِ الرَّحِيْمِ, أَلَا بِذِكْرِ اللَّهِ تَطْمَئِنُّ الْقُلُوبُ

Hadirin ahli Jum’ah rohimakumulloh!

Alloh Subhanahu wata’ala ngadawuh dina Surat Al-Fajr ayat 27–30:

يَا أَيَّتُهَا النَّفْسُ الْمُطْمَئِنَّةُ . اِرْجِعِي إِلَىٰ رَبِّكِ رَاضِيَةً مَرْضِيَّةً . فَادْخُلِي فِي عِبَادِي . وَادْخُلِي جَنَّتِي

Hartosna: “Wahai jiwa anu tenang, gera balik ka Pangéran anjeun kalayan ridho jeung diridhoan. Gera Asup kana golongan hamba-hamba Kami, jeung gera asup ka jero surga kami.” (al Fajr : 27-30)

Ayat nembé mangrupikeun panggilan anu paling mulya anu bakal kadangu ku jalmi mukmin nalika mayunan maot.

Nafsul muthma’innah nyaéta jiwa anu yakin kana jangji Alloh, tengtrem ku dzikir, istiqomah dina ibadah, sareng henteu kagoda ku gemerlapna dunya.

Alloh henteu nyebat: “Wahai jalma anu loba hartana, “Henteu ogé: “Wahai jalma anu luhur pangkatna.” Tapi Alloh ngagero: “Wahai jiwa anu tenang.” Hartosna ukuran kamulyaan di sisi Alloh lain ku jabatan, lain ku kakayaan, tapi ku kabersihan haté sahinga haté janten tenang. Alloh parantos ngadawuh dina al Qur’an:

أَلَا بِذِكْرِ اللَّهِ تَطْمَئِنُّ الْقُلُوبُ

Hartosna: “Inget, ngan ku dzikir ka Alloh haté jadi tenang.” (QS. Ar-Ra’d: 28)

Ku kituna, jalmi anu haéna sok dihirupan ku Al-Qur’an, dzikir, sholat, jeung taubat, maka bakal miboga katenangan sanajan hirupna loba cobaan. Sabalikna, jalmi anu jauh ti Alloh, sanajan harta loba, jabatan luhur, sareng hirupna katingali senang, maka haté-na bakal teu aya katengtreman.

Kumargi kitu, para ulama salaf salawasna merhatoskeun bebersih haté tibatan ngan saukur ngurus lahiriah. Aya hiji hikmah anu kamashur di kalangan ahli tasawuf:

لَيْسَ الشَّأْنُ أَنْ تَصِلَ إِلَى اللَّهِ، وَإِنَّمَا الشَّأْنُ أَنْ تَبْقَى مَعَ اللَّهِ

Hartosna:”Anu penting lain ngan ukur bisa nepi ka Alloh, tapi kumaha sangkan salawasna urang sasarengan sareng Alloh.”

Ma’asyirol Muslimin Rohimakumulloh,

Hayu urang muhasabah diri, sabaraha kali urang leuwih tenang ku urusan dunya tibatan ku ibadah? Sabaraha kali urang hariwang ku rizki, tapi poho kana dzikir? Padahal Alloh ngajangjikeun katenangan ka jalmi anu caket ka Anjeunna.

Supados urang kalebet kana golongan nafsul muthma’innah, aya sababaraha amalan anu kedah dilaksanakeun ku urang sadaya diantawisna nyaeta:

1. Ngajaga sholat Fardhu awal waktu kalayan khusyu’.
2. Ngabiasakeun maca Al-Qur’an unggal dinten.
3. Loba dzikir jeung istighfar, sangkan hate salawasna hirup.
4. Ikhlas jeung ridho kana sagala katangtuan Alloh.
5. Ngajaga akhlak di kulawarga jeung masarakat.

Dina kitab Ihya’ ‘Ulumiddin, Imam Al-Ghozali nerangkeun yén kabagjaan anu sajati lain asalna tina dunya, tapi tina ma’rifat ka Alloh. Tegesna yén nafsul muthma’innah téh nyaéta jiwa anu tos manggih kabagjaan di Alloh, lain dina dunya.

Dina Al-Fath Ar-Rabbani, Syaikh Abdul Qadir Al-Jailani nyarios:

إِذَا اطْمَأَنَّ الْقَلْبُ إِلَى اللَّهِ زَالَتْ عَنْهُ الْهُمُومُ وَالْغُمُومُ

Hartina: “Lamun haté geus tenang ka Alloh, maka sagala kahariwang jeung kasusah bakal sirna.”

Ma’asyirol Muslimin rohimakumulloh.

Para ulama parantos ngajarkeun yén nafsul muthma’innah lain jiwa anu teu kungsi meunang cobaan, tapi jiwa anu tetep ridho, sabar, syukur, sareng istiqomah sanajan keur diuji. Jalmi sapertos kieu anu bakal ngadangu panggero anu pangindahna ti Alloh.

Mudah-mudahan urang sadaya dipaparin hate anu salawasna tenang ku dzikir, ridho kana qodho jeung qodar Alloh, sarta dipupus ku husnul khotimah, nepi ka kaasup kana golongan nafsul muthma’innah anu dilebetkeun ku Alloh ka jero golongan hamba-hamba-Na anu sholeh sareng ka lebet surga-Na. Aamiin.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَالْغَفُوْرُالرَّحِيْمُ

Khutbah Kadua

اَلْحَمْدُ للهِ الَّذِىْ اَمَرَنَابِكَثْرَةِ ذِكْرِاللهِ وَامْتِثَالِ اَوَامِرِاللهِ وَاجْتِنَابِ نَوَاهِيْهِ. اَشْهَدُ اَنْ لاَّاِلَهَ اِلاَّاللهُ وَحْدَهُ لاَشَرِيْكَ لَهُ , وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ سَيِّدِنَا مُحَمَّدٍنِّ ابْنِ عَبْدِاللهِ وَعَلَى اَلِهِ وَاَصَحَابِهِ. اَمَّابَعْدُ: فَيَاعِبَادَاللهِ, اِتَّقُواالله َحَقَّ تَقْوَاهُ وَاَحُثُّكُمْ وَاِيَّايَ عَلَى طَعَةِ اللهِ وَطَعَةِ رَسُوْلِهِ فِىْ كُلِّ وَقْتٍ لَّعَلَّكُمْ تُفْلِحُوْنَ. اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَاءِ مِنْهُمْ وَاْلاَمْوَاتِ. رَبَّنَا أَنْزِلْنَا مُنْزَلاً مُبَارَكاً وَأَنْتَ خَيْرُ الْمُنْزِلِيْنَ. رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ .رَبَّنَا أَفْرِغْ عَلَيْنَا صَبْرًا وَّثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ. رَبَّنَا اَتِنَا فِى الدُّنيَا حَسَنَةً وَّفىِ اْلاَخِرَة حَسَنَةً وَّقِنَا عَذَابَالنَّارِ. بِرَحْمَتِكَ يَااَرْحَمَ الرَّاحِمِيْنَ وَالْحَمْدُ للهِ رَبِّ الْعَالَمِيْنَ

Baca juga: Khutbah Jum’ah Bahasa Sunda, Amalan Utami Dina Bulan Safar