Khutbah Jumat Bahasa Jawa Ngagem Teknologi Digital Kagem Pados Pahala
NU Cilacap Online – Ing jaman digital sapunika, teknologi informasi sampun mbukak kathah lawang kanggé umat Islam supados saged nyebaraken nilai-nilai agami kanthi langkung jembar lan efektif.
Mboten kados jaman rumiyin, ing pundi dakwah namung winates dhateng ceramah ing masjid, pengajian, utawi majelis taklim.
Khutbah Jumat kali ini dalam bahasa jawa mengetengahkan Judul “Ngagem Teknologi Digital Kagem Pados Pahala”. Naskah khutbah di susun oleh Dr. KH Muhammad Arif Royani, Lc,. M.S.I. Pengurus LD PWNU Jateng bidang IT dan jaringan dakwah.
Khutbah Sepindah
اَلْحَمْدُ للهِ الَّذِيْٓ أَنْزَلَ السَّكِيْنَةَ عَلَى قُلُوْبِ الْمُسْلِمِيْنَ المُؤْمِنِيْنَ
أَشْهَدُ أَنْ لَا إِلَهَ إِلَّا اللهُ الْمَلِكُ اْلحَقُّ اْلمُبِيْنُ. وَأَشْهَدُ أَنَّ مُحَمَّدًا عَبْدُهٗ وَرَسُوْلُهٗ, الصَّادِقُ الْوَعْدِ الأَمِيْنِ.
اللَّهُمَّ صَلِّ وَسَلِّمْ عَلَى سَيِّدِنَا وَمَوْلَانَا مُحَمَّدٍ, المَبْعُوْثِ رَحْمَةً لِلْعَالَمِيْنَ, وَعَلَى آلِهٖ وَصَحْبِهٖ وَالتَّابِعِيْنَ. لَاحَوْلَ وَلَاقُوَّةَ إِلَّا بِاللهِ اْلعَلِيِّ اْلعَظِيْمِ. أَمَّا بَعْدُ.
فَيَاَيُّهَا اْلإخْوَانُ، أُوْصِيْكُمْ وَ نَفْسِيْ بِتَقْوَى اللهِ وَطَاعَتِهٖ لَعَلَّكُمْ تُفْلِحُوْنَ.
قَالَ اللهُ تَعَالَى: أَعُوذُ بِاللهِ مِنَ الشَّيْطَانِ الرَّجِيم
اَلَّذِيْنَ اِنْ مَّكَّنّٰهُمْ فِى الْاَرْضِ اَقَامُوا الصَّلٰوةَ وَاٰتَوُا الزَّكٰوةَ وَاَمَرُوْا بِالْمَعْرُوْفِ وَنَهَوْا عَنِ الْمُنْكَرِۗ وَلِلّٰهِ عَاقِبَةُ الْاُمُوْرِ
Jamaah shalat Jumat Rahimakumullah
Ing kesempatan ingkang mulya menika, sumangga kita tansah ngluhuraken syukur dhumateng Allah SWT ingkang sampun paring nikmat dhumateng kita sedaya. Alhamdulillah taksih dipun paringi kasempatan kangge netepi ibadah sholat Jum’at ing dinten menika.
Khatib ugi ngajak dhiri pribadi saha sedaya jamaah, supados kita tansah ngiyataken iman lan taqwa dhumateng Allah SWT kanthi netepi sadaya dhawuhipun lan nyingkiri samukawis ingkang dipun larang.
Jamaah shalat Jumat Rahimakumullah
Minangka tiyang Muslim, kita kagungan kewajiban kagem silih ajak dhateng kabecikan. Kita ugi kagungan kewajiban kagem ndhakwahaken ajaran-ajaran Islam dhateng gesanging masyarakat. Supados saben piwulang kabecikan saged sumebar ing tengahing masyarakat, sahingga saged mbangun tata gesang masyarakat ingkang kebak berkah.
Ing jaman digital sapunika, teknologi informasi sampun mbukak kathah lawang kanggé umat Islam supados saged nyebaraken nilai-nilai agami kanthi langkung jembar lan efektif. Boten kados jaman rumiyin, ing pundi dakwah namung winates dhateng ceramah ing masjid, pengajian, utawi majelis taklim.
Nanging sapunika, kanthi wontenipun internet lan media sosial, dakwah saged langkung gampil dipun laksanakaken lan gadhah jangkauan ingkang langkung jembar.
Amargi punika, macem-macem kamajengan teknologi kedah kita manfaatake minangka sarana media kangge nyebaraken nilai kabecikan lan nyegah kaluputan, sanajan dipun wiwiti saking perkawis alit. Amargi saben lampah ingkang kita lampahi mesthi badhe pikantuk wewales saking Allah SWT.
Kados dene dawuhipun Allah SWT wonten ing surah Al-Zalzalah ayat 7-8.
فَمَنْ يَّعْمَلْ مِثْقَالَ ذَرَّةٍ خَيْرًا يَّرَهٗۚ . وَمَنْ يَّعْمَلْ مِثْقَالَ ذَرَّةٍ شَرًّا يَّرَهٗ
Artosipun: “Sapa mawon tiyang ingkang nglampahi kebecikan sanajan sak lempir zarah, mesthi badhe ningali piwalesipun. Lan sapa kemawon tiyang ingkang nglampahi ala sanajan sak lempir zarah, mesthi badhe ningali piwalesipun.” (Qs Al-Zalzalah ayat 7-8)
Kalih ayat mau nyekapi motivasi supados tansah nglampahi kabecikan, sanajan katon alit lan remeh. Mangkono ugi kosok baline, aja ngremehake ala utawa keburukan sanajan cilik lan sakedhik. Amarga samukawis mesthi badhe gadhah balasane.
Ayat menika ugi ngelingake dhateng kita bilih saben tindak tanduk, sanajan alit sanget, mesthi badhé pikantuk wales saking Allah. Mila, menapa kemawon ingkang kita lampahi, kalebet nyebar kabecikan lumantar teknologi informasi, insyaAllah badhe pikantuk ganjaran ageng ing ngarsanipun.
Bab punika dipuntegasi malih lumantar satunggaling hadis ingkang diriwayataken dening Imam Bukhari, Rasulullah SAW ugi ngendika:
بَلِّغُوْا عَنِّيْ وَلَوْ أَيَةً
Artosipun : “Sampekknana saking kula, sanadyan namung satunggal ayat.” (HR. Bukhari)
Jamaah shalat Jumat Rahaimakumullah
Nanging, kita ugi kedah eling bilih sanadyan teknologi saged dados sarana ingkang sae sanget ing dawah lan saged dados ladang amal kebecikan, kita kedah njaga nilai-nilai Islam supados boten kecampuran kaliyan prekawis-prekawis ingkang boten cocog kaliyan piwulang agami.
Teknologi kedah dipun ginakaken kanthi wicaksana lan tanggung jawab, supados panyebaran pawarta saestu maringi mupangat tumrap umat, lan sanes malah njalari karusakan lan reribetan ing tengahing umat.
Dakwah lumantar teknologi ugi kedah manungsaaken etika lan norma ingkang berlaku. Kula sadaya kedah tansah eling bilih tujuwaning dakwah inggih punika nyebaraken rahmat lan tentrem, sanès kangge misah-misah umat utawi nyebarake dursila.
Minangka umat ingkang pitados, kita kedah ngginakaken media sosial lan teknologi sanesipun kangge kabecikan lan saged dipunginakaken kangge mbangun jaringan dakwah ingkang langkung migunani, sanes kangge prekawis-prekawis ingkang saged ngrusak persatuan lan kesatuan umat Islam..
Jamaah Shalat Jumat Rahimakumullah
Minangka panutup, sumangga kita manfaatake kamajuan teknologi kangge ningkatake ketakwaan lan nguwatake jejaring dakwah kita.
Kita saged nindakaken mawi manéka cara, kados ta lumantar pados video dakwah, nyerat tulisan ingkang migunani, damel podcast, status ing media sosial, utawi lumantar platform online sanesipun supados saged nyebarake piwulang Islam kanthi cara ingkang langkung modern saha gampang dipun akses dening sadaya kalangan.
Saking sedaya upaya ingkang kita lampahi wonten ing dakwah, ingkang paling wigati inggih punika niyat kita. Sedaya ingkang kita lampahi kedah ikhlas amargi Allah, kanthi tujuan supados nyebaraken kabecikan lan mbantu umat Islam supados langkung mangertos ajaran-Na
Mugi kanthi ngginakaken teknologi kanthi wicaksana, kita saged langkung efektif ing dakwah lan ngencengi ukhuwah Islamiyah ing pundi-pundi.
أَعُوذُ بِاللَّهِ مِنَ الشَّيْطَانِ الرَّجِيمِ. بِسْمِ اللّٰهِ الرَّحْمٰنِ الرَّحِیْمِ
وَالْعَصْرِ . إِنَّ الْإِنْسَانَ لَفِي خُسْرٍ. إِلَّا الَّذِينَ آَمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ. وَنَفَعَنِيْ وَإِيَّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهٗٓ إِنَّهٗ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَاسْتَغْفِرُ اللهَ الْعَظِيْمَ لِيْ وَلَكُمْ فَاسْتَغْفِرُوْهٗ، إِنَّهُ هُوَ الْغَفُوْرُ الرَّحِيْمُ
Khutbah Kaping Kalih
اَلْحَمْدُ للهِ رَبِّ العَالَمِيِنَ، أَشْهَدُ أَنْ لآ إِلٰهَ إِلاَّ اللهُ وَأَشْهَدُ أَنَّ مُحَمَّدًا رَسُوْلُ اللهِ.
اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى ألِهٖ وَ صَحْبِهٖ أَجْمَعِيْنَ. اَمَّا بَعْدَ : يَا أَيُّهَا النَّاسُ ا اتَّقُوا الله. قال الله تعالى: أَعُوذُ بِاللهِ مِنَ الشَّيْطَانِ الرَّجِيمِ، يَا اَيُّهَا الَّذِيْنَ آمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ.
اللَّهُمَّ صَلِّ وَسَلمِّ عَلَى سَيِّدِنَا وَمَوْلَانَا مُحَمَّدٍ, المَبْعُوْثِ رَحْمَةً لِلْعَالَمِيْنَ, وَعَلَى آلِهٖ وَصَحْبِهٖ وَالتَّابِعِيْنَ.
اَلَّلهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلْاَحْيَآءِ مِنْهُمْ وَاْلاَمْوَاتِ. رَبَّنَا ظَلَمْنَا اَنْفُسَنَا وَإِنْ لَّمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. رَبَّنَآ اٰتِناَ فِى الدُّنْيَا حَسَنَةً وَفِى اْلأٰخِرَةِ حَسَنَةً وَقِنَا عَذَابَ النَّارِ
عِبَادَاللهِ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهٖ يَزِدْكُمْ وَلَذِكْرُ اللهِ أَكْبَرْ
Editor Bahasa : Khayaturrohman
