Khutbah `Idul Fitri Bahasa Jawa : Wangsul Dateng  Fithrah

 ألله اكبر  ألله اكبر  ألله اكبر  x 3  ألله اكبر كبيرا  والحمد لله كثيرا وسبحان الله بكرة وأصيلا أشهد أن لااله إلا الله وحده لا شريك له وأشهد أن محمدا عبده ورسوله  اللهم صل وسلم وبارك على سيدنا محمد وعلى أله وأصحابه ومن تبعهم باحسان إلى يوم الدين.

أما بعد : فيا ايها الحاضرون والحاضرات اتقوا الله فقد فاز المتقون ز واعلموا أن يومكم هذا يوم عظيم  وعيد كريم  قال الله تعالى اعوذ بالله من الشيطان الرجيم  بسم الله الرحمن الرحيم  وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ

 الله أكبر ألله أكبر ألله أكبر  ولله الحمد

Jama`ah shalat `Ied ingkang minulya.

Langkung rumiyin kulka atruraken:  تفبل الله منا ومنكم

“Mugi Allah kersa nampi amal ibadaah saking kula lan panjenengan sedaya” lan

من العائدين الفائزين المقبولين                               

“Mugi Allah kersa ndadosaken kita sedaya tiyang ingkang wangsul dateng fithrah (dateng asal kedadosan kita)  ingkang angsal kabegjan lan ingkang dipun tampi amal ibadahipun. Amien.

الله أكبر ألله أكبر ألله أكبر  ولله الحمد

 Jama`ah shalat `Ied ingkang minulya.

Kangge duka ingkang kaping pinten, enjang punika kita saged nglampahi `Iedul Fithri. `Iedul Fithri bade tansah kedadosan malih saben tahun, mila mesti wonten hikmah utawi piwucal ingkang saged kita pendhet saking mriku. Piwucal ingkang saged kita pendet  kanthi cepet inggih punika piwucal supados kita wangsul daateng fithrah kita minangka manungsa, wangsul dateng asal mula bukanipun manungsa, sinten sejatinipun lan kangge napa wontenipun.

Ingkang kawitan, fithrahipun manungsa punika makhluk ingkang dipun damel dening Gusti Allah. Mboten jalaran kita ingkang kepengin lajeng kita wujud. Ugi mboten jalaran kepenginipun bapak ibu. Nyatanipun, mboten saking kawitan kita ngertos bilih kita punika manungsa. Tunggu ngantos paling mboten pitung tahun kita nembe ngertos bilioh kita punika manungsa.

Nyatanipun, kathah lare ingkang lahiripun mboten dipun kepengini bapak ibunipun, nembe lahir lajeng dipun bucal ber, utawi dipun tilar lar, utawi malah awit taksih wonten lebet wetengan, tiyang sepuhipun sampun ngupayaaken sak sagedipun bade ngguguraken. Sewangsulipun, kathah tiyang sepuh ingkang ngotot sanget supados gadhah anak ingkang mangkenipun bade dados manungsa, tah nyatanipun mboten kasil.

Dados, sepisan malih, ingkang kawitan kedah dipun sadari, manungsa, kita sedaya nggih manungsa, punika makhluk, dipun damel, dipun ciptaaken.

 الله أكبر ألله أكبر ألله أكبر  ولله الحمد

Jama`ah shalat `Ied  ingkang minulya.

Wonten ingkang dipun damel mesthi wonten ingkang ndamel. Wonten makhluk mesthi wonten Al-Khaliq. Al-Khaliq nyiptaaken manungsa mesthi mboten namung iseng utawi dolanan tanpa hikmah lan tanpa tujuan. Wonten surah Al-Mu`minun 116 Allah Ta`ala ngendika :

أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لا تُرْجَعُونَ         

“Terus, apa kowe kabeh ngira  menawa Ingsun nyiptaaken kowe kabeh mung nggo dolanan thok? Lan menawa kowe kabeh ora arep dibalekake maring Panjenengan Ingsun?”

Mesthi mawon mboten nggih? Lajeng tujuan dipun damelipun manungsa punika kanthi cetha dipun ngendikaaken Gusti Allah wonten surat Adz-Dzariyat  56 :

وَمَا خَلَقْتُ الْجِنَّ وَالإِنْسَ إِلا لِيَعْبُدُونِ 

“Lan Ingsun ora nyiptaaken jin lan manungsa kejaba supaya jin lan manungsa mau pada ngawula bekti maring Panjenengan Ingsun.”

Dados, sak sampunipun kita, para manungsa ngaku minangka makhluk, kita mboten kenging nglirwaaken tujuan kita diciptaaken, nggih punika ngawula bekti, ngibadah. Manungsa ingkang mboten purun ngawula bekti dateng Gusti Allah ingkang sampun ndamel piyambake, berarti mboten ngertos utawi mboten nyadari fithrahipun.

Amargi kathah tiyang ingkang kados mekaten, mila Gusti ingkang Maha Mirah lan Welas Asih kanthi ajeg lan teras-terasan maringi pepeling supados manungsa mboten keba blasen mboten ngertos lan mboten sadar. Pepeling kala wau nggih `Iedul Fithri punika.

    الله أكبر ألله أكبر ألله أكبر  ولله الحمد

 Jama`ah shalat `Ied ingkang minulya..

Arti ngawula bekti punika ndadosaken awak kota dados kawulanipun gusti ingkang dipun kawulani. Gusti ingkang dipun kawulani mboten sanes nggih Gusti Allah. Ngawula dateng Gusti Allah mboten cekap naming ngaken dados kawulanipuin thok.

Ngawula punika kedah purun tansah nglampahi dhawuhipun lan nebihi awisanipun. Tiyang ingkang sampun saged kados mekaten kawastanan “muttaqien” wong kang takwa. Lan menikalah tujuan kita didhawuhi siyam kados ingkang nembe kita lampahi.

Tujuan punika, Insya Allah, mboten mustahil saged dipun kasilaken sinten kemawon uger nalika siyam tiyang wau buka lan sauripun ingkang halal lan mboten nate ngendikan ingkang awon lan mboten nglampahi ingkang mboten sae. Timbang ngendikan ingkang awon langkung sae mendel lan timbang nglampahi ingkang mboten sae langkung sae tilem.

   الله أكبر ألله أكبر ألله أكبر  ولله الحمد

Kewajiban ngawula dateng Allah keraos sanget pribadi, kangge piyambak thok. Ing mangka manungsa punika makhluk ingkang langkung remen gesang sesarengan  Mila mesthi wonten kewajiban sanes ingkang murakabi dateng masyarakat. Punapa niku?

Nalika Gusti Allah bade nyiptaaken manungsa,  ngendika :

           إِنِّي جَاعِلٌ فِي الأَرْضِ خَلِيفَةً    

“Sak temene, ingsun bakal ndadeaken khalifah ana nduwur bumi iki.”

Khalifah tegesipun ingkang nggantosi, ingkang makili. Dados manungsa dipun damel Gusti Allah minangka wakilipun Gusti wonten sak lumahing bumi punika. Lan kew3ajiban pokok minangka khalifah punika nyebaraken  rahmat lan asih, mrataaken keadilan lan mujudaken raos aman dateng sedayanipun. Mila, saestunipun, sedaya tiyang kedah ikhtiyar mriku lan mangkenipun  wohing ikhtiyar ugi dpun unduh piyambak.

Nderek pangandikan Imam Abu Ishaq asy-Syirozi , ingkang langsung diparingi Rasullah saw liwat impenipun :

من اراد السلامة فليطلبها فى سلامة غيره

“Sapa wonge kepengin slamet kudu gelem nggoleki slamete wong liya.”

Dados, sinten kemawon ingkang kepengin wilujeng , mboten kenging nglampahi perkawis ingkang saged damel mboten slametipun tiyang sanes, damel ruginipun tiyang sanes. Saged dipun terasaaken, sinten kepengin wontenipun keadilan mboten kenging mboten adil. Sinten kepengin aman  mboten kenging damel mboten amanipun tiyang sanes.

   الله أكبر ألله أكبر ألله أكبر  ولله الحمد

Jama`ah shalat `Ied ingkang minulya..

Wosipun, `Iedul Fithri ngajak kita sedaya wangsul nyadari kita minangka makhluk lan  manungsa, ingkang kedah ngawula bekti lan dados khalifah Allah wonten ngalam dunya punika. Mangga kita upayakaken sesarengan. Mangga.

 

بارك الله لى ولكم فى القرأن العظيم  ونفعنى وإياكم بما فيه من الأيات والذكر الحكيم  وتقبل منى

ومنكم تلاوته إنه هو السميع العليم  أقول قولى هذا وأستغفر الله العظيم لى ولكم ولسائر المسلمين والمسلمات والمؤمنين والمؤمنات فاستغفروه إنه هو الغفور الرحيم . 

 

                                       الخطبة الثانية                                                                                                                                                               

الله أكبر 3  الله أكبر 3 الله أكبر . الله أكبر كبيرا  والحمد لله كثيرا وسبحان الله بكرة وأصيلا .

أشهد أن لاإله إلا الله وأشهد أن محمدا عبده ورسوله . اللهم صل وسلم على سيدنا محمد وعلى أله وصحبه أجمعين وسلم تسليما كثيرا .

أما بعد. فيا أيها الناس  اتقوا الله ولازموا الصلاة على خير خلقه  عليه الصلاة والسلام. فقد أمركم الله بذلك إرشادا وتعليما. فقال إن الله وملائكته يصلون على النبى . يا أيها الذين أمنوا صلوا عليه وسلموا تسليما. اللهم صل على سيدنا محمد  وعلى أله وصحبه  أجمعين . وعلى التابعين ومن تبعهم بإحسان الى يوم الدين. وارحمنا معهم برحمتك يا أرحم الراحمين.

اللهم اغفر للمؤمنين والمؤمنات والمسلمين والمسلمات الأحياء منهم والأموات إنك على كل شيئ قدير . اللهم أعز الإسلام والمسلمين. وأهلك الكفرة والمبتدعة والرافضة والمشركين . ودمر أعداء الدين  ربنا أتنا فى الدنيا حسنة وفى الأخرة حسنة وقنا عذاب النار . ربنا اغفر لنا ولإخواننا الذين سبقونا بلإيمان ولا تجعل فى قلوبنا غلا للذين أمنوا ربنا إنك رؤوف الرحيم والحمد لله رب العالمين.

Follow, Share and Like:
RSS
Follow by Email
Facebook
Facebook
Google+
Google+
http://pcnucilacap.com/khutbah-idul-fitri-bahasa-jawa-wangsul-dateng-fithrah/